பிச்சுமணி

ஆரம்பத்தில்
இலைமறைவு காய்மறைவாய்
இளைமையை மாலைபோல்
மறைத்திருந்தேன்

மிதிவண்டி
பல்சக்கரத்தில் மாட்டி
நான் நைந்தபோது
பல் இளித்து உதவிக்கு வந்தார்கள்

ஜாக்கிரதை உணர்வில்
கழுத்தில் பாம்பாய்
பயனில்லாமல் தூக்கு போட்டு
தற்கொலை செய்தேன்

நாலாய் மடித்து தோளில்
ஆணி அடித்து
விரிந்த காம்பஸ் போல்
கச்சிதமாய் மறைத்திருந்தேன்

தீடீரென்று அரசியல்வாதி
துண்டாய் நான் மாறி
எந்த பயனுமில்லாமல
காற்றில் ஆடினேன்

புதிர் வியையாட்டு போல்
ஒரு பக்கம் மூடி கவர்ச்சியாய்
மறு பக்கம் ஊகிக்க
ஒரு பக்கமாய் தொங்கினேன்

பெற்றோர் மற்றோர்
பார்க்கா வண்ணம் பைக்கில்
நிலவை மறைத்த மேகமாய்
முகம் மறைத்தேன்

அலங்காரம் பண்ணி
நான் தனியே வாணிபமான கோபத்தில்
சுடிதார் கோள் சொல்லி
என்னை விலக்கி வைத்துவிட்டது

என்றாவது சிறுபிள்ளைக்கு
கட்டி விளையாட
சேலை ஆவேன் என்ற
எதிர்பார்ப்பில் மூலையில் கிடக்கிறேன்