சபீர்

சுடு
மூச்சுக் காற்றால்-
முதுகெறித்து…

இடையூறிய
கையால்-
மெல்ல இழுத்து…

இடது காலால்-
இடது கால்
சீண்டி…

எழு எழு என-
எண்ண அலை
அனுப்பி…

அப்பாடா…
விழித்துக் கொண்டாள்!

பின்-
எழுந்து…
படுக்கை துலாவி
கடைக் குட்டி கண்டெடுத்து
பொருளாதார தடைபோல்
எமக்கிடையே படுக்க் வைத்து…
மகனுக்கும் மகளுக்கும் நடுவே…
மீண்டும் உறங்கிப் போனாள்…!

மக்களைப் பெற்று விட்டால்
மனைவியே…
வல்லரசு!

-சபீர்