வருணன்

வாசல் இல்லாத வீடு
இருந்தும் ரகசியங்கள் கசிவதில்லை
அந்தியில் வீழ்ந்தது நம்பிக்கையோடு ஆதவனும்
படரும் இருட்டில் பதுங்கும் குரோதம்
ஷெல்லடித்தல் செத்துப் போனதாம்
துப்பாக்கி ரவைகள் நித்திரை கொள்ளுதாம்
நம்பித் தொலைப்போம்
வழியேது?
இனியாகிலும் காக்கட்டும் சாக்கிய முனி
மாக்களிடமிருந்து
எம் பெண்டிரின் யோனிகளை
‘பிரபா… நீ என்னை தேடியிருப்பேனு தெரியும்…’
கசிகிறது பண்பலையில் பாடல்
இன்னா செய்தாரை ஒருத்தல்…
முடிவதில்லை எல்லா தருணங்களிலும்.
jolaphysics@gmail.com
– வருணன்