ஆதர்ஷ் ராவ்

என் மனம் உனக்கு துல்லியமாய்ப்புரியும்
உன் எண்ணங்களும் எனக்கு அவ்வாறே

புரிந்ததை நான் சொல்ல மாட்டேன்
நீயும் வெளிப்படையாய்க் கூறியதில்லை

எனக்கு வேண்டிய ஆறுதலை நீயும்
உனக்கு வேண்டியதை நானும் தரமறுக்கிறோம்

ஆத்மார்த்தமான காதல் என்ற பெயரில்
நீயும் நானும் திருமணத்தில் இறங்கினோம்

கற்பனையால் ஆயுதங்கள் கொண்டு
ஒருவரை ஒருவர் காயபடுத்துகிறோம்

எங்கு அடித்தால் வலிக்கும் என்று
உனக்கும் எனக்கும் தெளிவாய்த் தெரியும்

என்னிடம் உன் எதிர்பார்ப்பும் உன்னிடம்
என்னுடையவையும் நிறைவேறவேயில்லை

உன்னைப்பற்றிய என் பிம்பத்திற்கும்
என்னைப்பற்றிய உன் பிம்பத்திற்கும்

திருமணம் நடந்திருந்தால் ஒருவேளை
நன்றாய் இருந்திருக்குமோ என்னவோ ?

aadharsh02@iimk.ac.in

திலகபாமா,சிவகாசி

சிதைத்தும் உதிர்த்தும் போடுகின்ற
என் கனவுகள்
சேர்த்து சேர்த்து
சேதாரமாகிப் போன விரல்கள்

சிதறிக் கிடப்பவற்றை
சேர்க்கத் தோன்றுவதில்லை
இப்போதெல்லாம் எனக்கு

விடுத்து எனக்கானதை
கனவுகளின்சுழற்சிகளூடே
நீ மிதித்து போட்டவற்றை
வனையக் கற்ற நான்

உடைந்த கண்ணாடிச் சில்லுகளுக்கிடையில்
உடையாததாய் காண்பித்து
உருளும் பாதரசத் துளிகள்

சேர்த்த சிதறல்கள்எனதெனும்
எண்ண்ம் தந்த துன்பம்
சேர்க்காத சிதறல்களினால்
சேராது போனது

சிதறிக் கிடந்த ஆசைகள்
இப்போதெல்லாம் என் ஆட்டம்
வெட்டப் படும் உன் காய்கள்
என் காய்கள் பழமாகும் இனி

***