திண்ணை

சத்தி சக்திதாசன்

மனத்திலிருத்தும் உண்மை எனும் இறை
மாட்சிமைகொள் மனித வாழ்க்கை
இறந்தும் வாழும் உத்தமர் ஓர் நூறும்
இருந்தும் இறக்கும் சுயநலர் ஒரு கோடியாம்
இதயம் என்றொரு பாறை இடிகளைத் தாங்கியும்
தவறியும் ஒருநாள் இடரினைப் புரியார்
வாழ்வுநதியில் நீச்சல் என்றே துணிந்தவர்
வழி பல கடப்பர் – ஒற்றே
நோக்கும் ஒன்றே கருத்தும் நித்தமும் கொண்டோர்
நேரியவழியே தம் சீரியவழி என்பார்
சிந்தனைக்கடலில் மானிடர்தாம் மூழ்கி – வெற்று
சிற்றின்பமெனும் சொட்டுத்தேனை பருகிடுவர்
ஆயிரம் மனிதர் அவர்தம் குணங்களும் ஆயிரமாகும்
ஆயினும் உலகு உருண்டு கொண்டேயிருக்கும்.

———————————–
sathnel.sakthithasan@bt.com