சத்தி சக்திதாசன்

தப்புத் தாளங்களை வாழ்க்கை முழுவதும்
தட்டி வந்து விட்டேன் ஏனோ
சரியான ராகம் செவிகளுக்குள்
சங்கமவாவதில்லை
தொட்டுப் பார்த்தும் கூட ஏனோ
முள்ளின் கூர்மை உணர்வுக்கு எட்டவில்லை
திரும்ப திரும்ப தீக்குள்ளே விரலை
திணிக்கின்றேன்
சாப்பிட்டுப் பார்த்து எத்தனை முறை
தூக்கி எறிந்தவற்றை
மீண்டும் மீண்டும் சுவைக்க ஆசைப்படுகின்றேன்
கோவில்கள் ஆயிரம் ஏறி விட்டேன் இன்னும்
கொள்கையிலே விளக்கமில்லை
ஓ!
என் இதயத்தைச் சுற்றியுள்ளை நான்
எனும் உறையைக் கழற்ற மறந்ததுதான்
மயக்கத்தின் காரணமோ ?

sathnel.sakthithasan@bt.com