பாரதிராமன்

எதிலும் இல்லை என்றான் ஒருத்தன்
எதிலும் இருக்கிறது என்றான் இன்னொருத்தன்
சண்டை முற்றி சமாதானமாயிற்று

இப்போது சண்டையில் இல்லை
சமாதானத்தில் இருக்கிறது என்றான் முதல்வன்
சமாதானத்தில் இருக்கிறது
சண்டையிலும் இருக்கிறது என்றான் இரண்டாமவன்
மீண்டும் சண்டைக்குப்பின் சமாதானம்

இப்போது சமாதானத்தில் இல்லை
சண்டையில் இருக்கிறது என்றான் முதல்வன்
சமாதனத்திலும் இல்லை
சண்டையிலும் இல்லை என்றான் இரண்டாமவன்

இப்போது
சண்டையுமிருக்கிறது சமாதானமுமிருக்கிறது
என்றானது இருவருக்கும்

—

kalyanar@md3.vsnl.net.in