திலகபாமா

வேரடி மண்ணீர் குடித்தும்

வானிருந்தும்

புவி நோக்கி வீழ்ந்த கதிரொளி சமைத்தும்

சுவாசித்த காற்றை வாசமாக்கி

பூத்தும் கொழுந்து விட்ட படியும் நானிருக்க

சூழுகின்றன கள்ளிகள்

சிலநாள் வான் பொய்க்க நேர்ந்த

சந்தர்ப்பங்களில்

அசைய முடியாது போன போதும்

அசைந்தால் இலைகள் கிழியும் போதும்

வீறு கொள்கின்றன

என் பச்சையங்கள்

மெல்ல வளர்ந்த என் உயரங்கள்

கிழிக்கும் கள்ளிகளை அழிக்க

விரிக்கும் தன் கிளைகளை விருட்சங்களாய்

நான் பரப்பும் நிழல்கள்

கத்தி கொண்டு அடிவேர்

சீவுதலிலும்சுத்தமாய்

அழுகச் செய்து காலி செய்யும்

எனை சூழ் கள்ளிகளை

—-
mathibama@yahoo.com