நட்சத்திரவாசி

உனது குவிந்த காளானை
திறக்காமல் காட்டுவதை
பிரியப் படுகிறாய்
பெண்மையின் சிறப்பென
எல்லா இரவுகளிலும் விரியும்
மஞ்சள் நிற பூவோ
அதிகாலையில் சுணங்கிப் போகிறது
ஒன்றை வடித்துக் காட்டவும்
உணர்வை மொழிப்பெயர்த்து காட்டவும்
செய்யும் நீயே
உடலின் துரோகங்களுக்கு
பதிலடி கொடுப்பதாக பாவித்து
கவிதைகளை இயற்றுகிறாய்
எல்லாம் பெண்மையாக பார்க்கும் நீயே
அதை போராட்டமாகவும் ஆக்குகிறாய்
சொல்லாமல் விட்டு போன
எல்லா அர்த்தங்களையும்
மறுவாசிப்பு செய்கிறாய்
எப்படியாக இருந்து விட்டு போ
உன்னுடன் எனக்கு முரண்பாடு உண்டென்றாலும்
இணக்கமான ஒரு முடிச்சு உள்ளது
உனது ஆயுதங்களால்
என்னை போரிட சொல்லும்
அந்த போர்களம் ஒன்றே போதும்
நானொரு வீரன் என்பதை
உறுதிபடுத்திட

mujeebu2000@yahoo.co.in