யூசுப் ராவுத்தர் ரஜித்

வாழும் நம் வீட்டை
வசந்த மாக்குவோம்

வானத்தின் வண்ணங்கள்
சுவர்களில் மின்னட்டும்

கரப்பான்கள் பல்லிகள்
காத தூரம் விலகட்டும்

பக்திப் புகைகளில்
படுதாக்கள் மணக்கட்டும்

விரல்களின் நளினங்கள்
கோலத்தில் தெரியட்டும்

பல்சுவை வாழ்க்கையை
பலகாரம் பேசட்டும்

பூவாயும் பொக்கை வாயும்
மத்தாப்பாய்ச் சிரிக்கட்டும்

பிள்ளைகளின் உண்டியை
வெள்ளி நிறைக்கட்டும்

புதுப்பித்த இதயத்தை
புத்தாடை சொல்லட்டும்

எண்ணெய் அப்பாவாய்
திரி அம்மாவாய்
பொறி நாமாய்
குலவிளக்கு ஒளிரட்டும்

தீபஒளி தெய்வம்
நம் திருவீட்டை வாழ்த்தட்டும்

வலிகளை விரட்டும் தீபாவளி
வாழ்வின் வசந்தம் தீபாவளி

யூசுப் ராவுத்தர் ரஜித்