சுகுமாரன்

எனது முதலாவது வார்த்தை
எந்த மொழியிலிருந்ததென்றோ
எந்த உணர்வால் கிளர்ந்ததென்றோ
எவ்வளவு குடைந்தும் நினைவில் இல்லை

இன்று எனக்கு
யோசிக்க
பரிமாற
பிழைக்க
மூன்று மொழிகள் தெரியும்
உபரியாக மெளனமும்.

எனது கடைசி வார்த்தை
எந்த மொழியிலிருக்குமென்றோ
எந்த உச்சரிப்பில் கேட்குமென்றோ
எவ்வளவு முயன்றும் தீர்மானமில்லை.

எதுவானாலும்
எனது நான்கு மொழிகளிலும் இல்லாததாக
இருக்கக் கடவது
எனது கடைசி வார்த்தை.
—-
sukumaran@SUNNETWORK.ORG