பாரதிராமன்

சந்தேகமில்லை

நீ கடவுள்

நீ இல்லாத இடமே இல்லை

எங்குமாய் நிறைந்திருக்கிறாய்

மேலேயும் இருக்கிறாய்

கீழேயும் இருக்கிறாய்

ஆண் பெண் பேதமில்லை

சாதி சமயங்களுமில்லை

இன மொழி வேற்றுமைகள் இல்லை

இல்லை என்பதும் இல்லை

மிகப்பொியவன் நீ

சிறிய அவதாரமும் கூட

உன் சாம்ராஜ்ஜியத்துக்கு எல்லைகள் இல்லை

சாதனைகளுக்கும் கூட

மூலவராய் இருட்டில் உறைகிறாய்

உற்சவராய் வெளிச்சம் போடுகிறாய்

மேம்பாலத் தூணிலும் இருக்கிறாய்

மின் வாாியத் துரும்பிலும் இருக்கிறாய்

சந்தேகமேயில்லை

நீ கடவுள்தான்.

ஒரே ஒரு குறை

பயமிகு ரகசியத்திலேயே

உனைத் தொழவேண்டியுளதே

ஓ லஞ்சமே!