ரஜித்

அளவு மீறினால்
அமுதமும் நஞ்சாம்

கொஞ்சம் கொஞ்சமாய்
எனைக் கொல்லும் அமுதே

நான் தொடத் துடிக்கும்
இடங்களைத் தொட்ட சுகம கேட்க
அனுப்பிவை
உன் நெற்றி தவழும்
ஓர் ஒற்றை முடி

உன் வாசம் கொண்டதிடம்
என் வசம் இழக்க
அனுப்பிவை
உன் கூந்தல் உதிர்த்த
ஒற்றைப் பூ

எப்போதாவது விழும்
பித்தானைப் பிணைக்க
அனுப்பி வை
உன் முந்தானை நூல்
ஒரு சில

என் புகைப்படம் உடுத்திய
மெழுகுவர்த்தி
இத்துடன் இணைப்பு

பற்றவைப்பதும்
பாதுகாப்பதும்
உன் கையில்

அடடா மறந்துவிட்டேன்
ருசிக்க ஆசை
உரைவாயை
உன் எச்சிலால் ஒட்டு

—-
rajid_ahamed@yahoo.com.sg

பா.ஸ்ரீராம், மயிலாடுதுறை

என்னவளை நான்
தென்றலாய் மதித்தேன்
அவளோ என்னை
தெரு புழுதியாய் நினைத்தாள்.

காதல் கடிதம்
எழுதிக் கொடுத்தேன்

கண்டப்படி திட்டினாள்
மனம் உடையவில்லை
மறுக்கடிதம் எழுதினேன்
மற்றொருவளுக்கு….

balageethan@rediffmail.com