இளைய அப்துல்லாஹ்

கட்டங்களைக்கூட்டி வைத்துக்கொண்டு
அவள் குந்தியிருக்கிறாள்
கடல் தூரத்தில் உறுமியபடிக்கு இருக்கிறது
எச்சம் என்பதற்கு அவள் மட்டும்தான்
ஒரு சிறிய குடிசையின் கற்களவை
ஒற்றைக்கையில் கூட்டி அள்ளி விடலாம்
கொஞ்சம் சீனியும் கொஞ்சம் பருப்பும்
அவளை புனர்நிர்மாணப்படுத்தா

புதிய வாக்குறுதிகளை ஏற்றிக்கொண்டு
கென்ரயினர்கள் போகின்றன
ஆனால் அவளுக்கானவை அதில் ஒன்றுமில்லை
ஒரு சுற்று பொய்மைகளோடு திரியும்
அரசியல்வாதிகளை கழுத்தை நெரித்தே
கொன்றுவிடலாம் போலிருக்கிறது
வன்மம் நிறைந்த உலகமிது
அவளுக்கான திட்டத்தை சொல்வதற்கு
ஒருவருக்கேனும் துணிவு இல்லை

விடியும் ஒவ்வொரு காலையும்
ஏதாவது வருமென்றிருக்கிறாள் ஒன்றுமேயில்லை
உயிர் பிழியும் ஏமாற்றம் மட்டுமே

புனர் நிர்மாணக்காதகர்களால்
அவள் செத்துப்போவாள்
அவளையும் ஒரு போத்தல் பெற்றோல் ஊற்றி
எரித்து விடுவார்கள்

செய்தி வருடம் விரக்தியில் செத்துப்போனாள்

இன்று சுனாமி வந்து பதினொரு மாதங்கள்

இளைய அப்துல்லாஹ்

லண்டன்
—-
anasnawas@yahoo.com