திலகபாமா

நம்மோடு இருந்த நாள்
இன்று இல்லாமல் போனது

பிரிய முடியாது பிரிந்த கணங்கள்
தேடியும் கிட்டிய பாடில்லை
நீண்ட இணைந்த பயணம்
இருவரும் தீர்மானித்து
முடிவுக்கு வந்து விட்ட போதும்
எதிர் எதிர் திசையில்

விடிந்து விட்ட பகலின் வானம்
நேற்றைய நிலவின் தடத்தையும்
இருளோடு பதுக்கிக் கொள்ள
மிச்சமிருக்கின்ற நினைவலைகள்
காற்றாலைகளாய்

எங்கும் நிறைந்திருந்த காற்றை
இங்கு மட்டும் சக்தியாக்க
போகின்ற வழித் தடத்தில்
நிகழ்ந்து விட்ட
சுகந்தங்களில் வேரூண்றி
நின்று போகின்றேன்
—-
mathibama@yahoo.com