ஹெச்.ஜி.ரசூல்

எரியும் தீக்குண்டாய் பாழ்கிணறு

தலைகீழாய் தொங்கவிடப்பட்டு

நெருப்புச் சவுக்குகளின்

அடிதாங்காமல் அலறல் நீள்கிறது.

நீரைக் கிழித்த மீன் குஞ்சாய்

நீந்தித் தொலைத்தபோது

பற்றியது நெருப்பு

ஒருநூறு குத்தப்பட்ட ஊசிகளோடு

நூல் பொம்மை ஒன்று

நீருக்குள் திறந்த வாசலில்

ம அரிபாவை கண்டடைய தியானித்திருந்தது

தீராதவலிகளுடன்

பேரீச்சம்பாளையினுள் ஒளித்து வைக்கப்பட்ட

உயிரற்ற மந்திரக் குழந்தையின் பேச்சு

இன்னமும் புரிபடவில்லை

நீர்த் திரைகளைத் தாண்டி நெருப்பு எரிகிறது