திண்ணை

கே.கே …

சொல் என்னிடம்
பேச என்ன தயக்கம்.
சொல் …. நீ எப்போதாவது சிரித்தால் சொல்
அது என்ன ஒரு சந்தோஷமென்று சொல்
சிரி …சிரிப்போம்.

உன்னுடைய வருத்தங்கள் பேசு
புரியாத சோகங்களையும் …
எதிர்பாராத நேரத்தில் உன் நெஞ்சடைப்பதென்னவென்று சொல்.

மனதுடைந்த நாட்களை மற
நீ காதலினால் எழுதியன உரக்கப் படி

பயங்களைச் சொல்..
நீ பார்த்த அதிசயங்களைச் சொல்
கதவடிக்கும் கோபங்களைச் சொல்
ஆத்திரங்கள்,ஆர்வங்கள்,அழுகைகளைப் பகிர்.

பேச எதுவுமில்லையெனில் ?
பாடு …மெல்லிய குரலில்.
அல்லது குழந்தைகளுக்குக் குளிப்பாட்டி,தலைசீவி சட்டை அணிந்து விடு.
அவர்களுடன் நடை பயில்
இப்படியாக எதுவும் செய்த பின்
தூங்கிப்போ…
சூரியனுக்கு முதுகைக் காட்டியபடி.