கலில் கிப்ரான் கவிதைகள் (1883-1931) ஓ இரவே -கவிதை -32

மூலம் : ஓவியக்கவி கலில் கிப்ரான் தமிழாக்கம் : சி. ஜெயபாரதன், கனடா

“குருதி ஆறுகள் ஒருநாள் ஒயின் மது ஓடும் நதிகளாய் ஆகிவிடும் ! பனித்துளிகளாய் ப் பூமி மீது பொழிந்த கண்ணீர்த் துளிகள் ஒருநாள் நறுமணப் பூக்களை விளைவிக்கும் ! இருக்கை விட்டுப் பிரிந்த ஆத்மாக்கள் ஒன்று கூடிப் பொழுது புலர்ச்சியின் புதுத் தொடு வானாய் அமையும். அப்போது மனிதன் நியாயத்தையும், நீதியின் காரணத்தையும் அடிமைச் சந்தையில் விலை கொடுத்து வாங்கி விட்டதாக உணர்வான். தனக்குள்ள உரிமைக்காக ஊழியம் செய்து செலவழிப்பவன் ஒருபோதும் தான் இழப்ப தில்லை என்று புரிந்து கொள்வான்.”

கலில் கிப்ரான். (The Giants)

++++++++++++++++++++++++++
<< ஓ இரவே >>
++++++++++++++++++++++++++

இரவுக் காதலரே ! நீவீர்
இளங் கவிஞர், பாடகரின்
இதய உணர்வை உசிப்பி விடுவீர் !
ஆன்மாக்கள், மர்மத்தின்
போலித் தோற்றத்தின் இரவே !
புனித நம்பிக்கை, நினைவுகளின்
மோக இரவே ! நீ ஓர்
பூத வடிவில் தோன்றி
மாயமாய்க் குள்ள மாக்குவாய்
மாலை முகில்களை !
காலையில்
ஆலயக் கோபுர மாக்குவாய்
அச்ச மென்னும் ஆயுதம் ஏந்தி
ஒளிநிலவைத்
தலைக் கிரீடமாய் அணிந்து
மௌனத்தை
முகத் திரை யாக்கி !

++++++++++++

ஆயிரம் விழிகளோடு
ஆழமாய் ஊடுருவி வாழ்வினை
ஆய்வு செய்கிறாய் !
ஆயிரம் செவிகளோடு
வாழ்வு அறுந்து
மரணத்தின் முணுமுணுப்பு
அரவத்தைக் கேட்கிறாய் !
சொர்க் கத்தின் விளக்கு
சுடரொளி பாய்ச்சு கிறது
உனது இருட்டறைக்கு !
பகற் பொழுதில் ஒளி வெள்ளம்
மூழ்க்கி விடும் நம்மை
பூமியின்
புரிவற்ற நிலையால் !
நித்திய வாழ்வின் நினைவச்சம்
விழிகளைத் திறந்து
நம்பிக்கை அளிக்கும் முன்பு
நாள் என்பது
நம்மைக் குருடாக்கி ஏமாற்றும்
அளக்கும் கோலோடும்
பருமப்
பரிமாணத் தோடும் !

****************

தகவல் :

1. The Prophet By : Kahlil Gibran, Published By : Senate (2003)

2. The Prophet By : Kahlil Gibran Published, By Wordsworth Editions Ltd. (1996)

3. Tears & Lauhgter By : Kahlil Gibran, Published, By : Castle Books (1993)

4. The Voice of The Master By : Kahlil Gibran Translated from Arabic By : Anthony Ferris (1967)

5. Thoughts & Meditations By : Kahlil Gibran Translated from Arabic By : Anthony Ferris (1968)

For further information:
The Prophet By Kahlil Gibran :

http://www.katsandogz.com/gibran.html
http://en.wikipedia.org/wiki/Khalil_Gibran

http://www.inner-growth.info/khalil_gibran_prophet/main.htm

Kahlil Gibran Art Gallery :
http://www.inner-growth.info/khalil_gibran_prophet/html/galleries/gibran_gallery1.htm

*********************
S. Jayabarathan [jayabarat@tnt21.com] (July 5, 2010)