கலில் கிப்ரான் கவிதைகள் (1883-1931)<< மனிதனின் கானம் >> (முதற் பாகத் தொடர்ச்சி)கவிதை -11 பாகம் -2
தமிழாக்கம் : சி. ஜெயபாரதன், கனடா
Kahlil Gibran Paintings
“The Uphill Battle of Women”
“என் குறிக்கோள், என் மன நிறைவு இரண்டும் எனக்குக் கடவுள். நேற்று நான் உன்னவன், நாளைக்கு நீ என்னவன். உந்தன் மூல வேரில் இந்த பூமியிலே உதித்தவன் நான். வானத்தில் இருக்கும் என் மலர் நீ. நாம் இருவரும் ஒருங்கே பரிதியின் முன் வளர்ந்து வருகிறோம்.”
கலில் கிப்ரான். (உள்ளொளி) (Vision)
“வாழ்வுக் கோளத்தில் சீரிசைப்பாடு (Rhythm) இல்லாமல் நடுங்கும் ஒரு மனிதத் துண்டம் என்று என்னைப் பற்றி நேற்றுத்தான் சிந்தித்தேன். இப்போது அறிகிறேன் : நான்தான் அந்த வாழ்வுக் கோளம் என்று. வாழ்வு முழுவதிலும் உள்ள சீரிசைப்பாட்டுத் துண்டங்கள் யாவும் இயங்குவது என்னுள்ளேதான்.”
கலில் கிப்ரான்.
<< மனிதனின் கானம் >>
(முதற் பாகத் தொடர்ச்சி)
அற்புத வித்தைக் காரரிடம் உரை யாடினேன் !
அஸ்ஸிரியா குருக்களிடம் தர்க்கம் செய்தேன் !
பாலஸ்தீன் மதஞானியர் அறிவாழம் கண்டேன் !
மேலும் மெய்ப்பாடு தேடுகிறேன் ஆயினும் நான் !
இந்திய சாந்தத்தில் ஆத்ம ஞானம் சேமித்தேன் !
அரேபிய நாட்டின் பூர்வத்தை நான் உளவினேன் !
காதில் விழுந்த தெல்லாம் நான் செவி மடுத்தேன் !
ஆயினும் செவிடன் நான், மற்றும் ஒர் ஊமை !
கொடுங்கோல் ஆளுநரின் கடும்பிடியில் துன்புற்றேன் !
படையெடுத்த மூர்க்கருக்கு அடிமையாய் நான் உழன்றேன் !
பயங்கர ஆட்சி திணித்த பசியால் அவதி யுற்றேன் !
ஆன்ம வலு சிறிதெனக் குள்ளது ஆயினும் இன்று
அதை வைத்துப் போரிடுவேன் நான் அனுதினமும் !
நிரம்பிடும் என்மனது ! சூன்ய மாகும் என்னிதயம் !
முதுமையுறும் என்னுடல் ! குழந்தை யாகும் என்னுள்ளம் !
இளமையில் வளரும் என்னிதயம் ஒருவேளை, ஆயினும்
கிழவனாக வழிபடுவேன் ! கடவுளை மீளடைய முனைகிறேன் !
பூரணம் அடைந்திடும் அப்போதுதான் என்னிதயம் !
நானிங்கி ருக்கிறேன் ஆதி காலம் முதலே !
நானின்றும் வாழ்ந்து வருகிறேன் வையகத்தில் !
நானிங்கி ருப்பேன் உலக முடிவு வரை !
ஏனென்றால் இடர்மிக்க என்வாழ்வில் விடிவில்லை !
(தொடரும்)
************
தகவல் :
1. The Prophet By : Kahlil Gibran, Published By : Senate (2003)
2. The Prophet By : Kahlil Gibran Published, By Wordsworth Editions Ltd. (1996)
3. Tears & Lauhgter By : Kahlil Gibran, Published, By : Castle Books (1993)
4. The Voice of The Master By : Kahlil Gibran Translated from Arabic By : Anthony Ferris (1967)
5. Thoughts & Meditations By : Kahlil Gibran Translated from Arabic By : Anthony Ferris (1968)
For further information:
The Prophet By Kahlil Gibran :
http://www.katsandogz.com/gibran.html
http://en.wikipedia.org/wiki/Khalil_Gibran
http://www.inner-growth.info/khalil_gibran_prophet/main.htm
Kahlil Gibran Art Gallery :
http://www.inner-growth.info/khalil_gibran_prophet/html/galleries/gibran_gallery1.htm
*********************
S. Jayabarathan [jayabarat@tnt21.com (June 15, 2009)]
- பேரழகியும்,அறபுநாட்டுப் பாதணிகளும் !
- மன்னிப்பு
- அறிவியல்கதை: வார்த்தை தவறிவிட்டாய் கண்ணம்மா
- ஒரு பெண்ணின் டைரி சொல்லும் கதை
- விஸ்வரூபம் – அத்தியாயம் நாற்பது
- பருந்துகளும் என் வீட்டுக்கோழிக்குஞ்சும்
- வாழ்வின் நீளம்
- இவான் டெனிசோவிச்சின் வாழ்விலே ஒரு நாள் – எட்டாவது அத்தியாயம்
- அக்கா பையன் சுந்தரம்
- சட்டம் தெரியாத சட்ட அமைச்சர்!
- வேத வனம் -விருட்சம் 38
- பாப்லோ நெருடாவின் கவிதைகள் -41 << காதலி இறந்தால் ! >>
- ‘உலகக் கிராமத்து’ மக்களே!
- படைப்பு
- கலில் கிப்ரான் கவிதைகள் (1883-1931)<< மனிதனின் கானம் >> (முதற் பாகத் தொடர்ச்சி)கவிதை -11 பாகம் -2
- இஸ்லாமிய ஆய்வும் எமது இறையுதிர் காலங்களும் – 6
- பூவேந்திரன் ஹாங்காங்கில் நிகழ்த்திய 28 மணி நேர யோக சாதனை
- இருளில் ஒளி?
- ட்ரேடு
- வெண்சங்கு
- சங்கச் சுரங்கம் – 19: ஆடுகள மகள்
- நிலத்திற்கு மேலே நடப்பவர்களின் கதை
- Latest Information of Solar Cycle 24
- வார்த்தை ஜூன் 2009 இதழில்
- சாக்ரடிஸின் மரணம் (கி. மு. 469–399)மூவங்க நாடகம் காட்சி -1 பாகம் -7
- பிரபஞ்சத்தின் மகத்தான அறுபது புதிர்கள் ! பரிதி வடுக்களின் காந்த வீச்சுகள் பூமியில் பூகம்பத்தைத் தூண்டுமா ?
- “முதலாவது பன்னாட்டுச் செவ்வியல் மாநாடு-2009”
- விசுவாசம்
- சொல்வனம் என்ற புதிய மாதமிருமுறை இணைய இதழ்
- உலகத் திருக்குறள் பேரவையின் மூன்றாவது மாநில மாநாடு
- பதவி உயர்வு
- இஸ்லாம் : திண்ணை விவாதங்கள்
- ‘வலக்கர விளக்கம்’
- “உண்மை இல்லாத புனைவு எது?”
- வசதி போலப் பொருள் கொள்ளவா சொற்கள்?
- இன்னும் சில வார்த்தைகள், நட்புணர்வுடன்