காற்றினிலே வரும் கீதங்கள் – 15 கருமேனியான் வருகை அறிவிப்பு !

This entry is part of 43 in the series 20080417_Issue

தமிழாக்கம் : சி. ஜெயபாரதன், கனடா



வான மழை நீயெனக்கு !
வண்ண மயில் நானுனக்கு !
பானமடி நீ யெனக்கு !
பாண்டமடி நானுனக்கு !

பாரதியார் (கண்ணம்மா என் காதலி)

காற்றினிலே வரும் கீதங்கள் – 15
கருமேனியான் வருகை அறிவிப்பு !

மேல் வானத்தின்
மழைக் கால மேக மூட்டம்
நொந்து போன இந்த இதயத்தில்
இன்ப மூட்டி விட்டது !
கால மழை வீழ்ச்சியும்
தூரல் மழை முணுமுணுப்பும்
கருமேனியான் திரும்பி
வருவதைச் சொல்லும் !
பொங்கி எழும் நெஞ்சமே !
நீர் சுமக்கும் வான் முகிலில்
தீ நாக்கு மின்னல் முதலில்
தெறித்து வீசிப் பிறகு
இடி இடிக்கும் !
தடதட வென அடிக்கும்
அசுர மழை !
வேனிற் கால வெக்கையை
விரட்டி விடும் காற்று !
மீரா சொல்கிறாள் :
பொறுத்தது போதும் !
வேளை வந்து விட்டது
வீதியில் நீ
கீதம் பாடிச் செல்ல !

*********

(ஆங்கிலத்தில்: ராபர்ட் பிலை)

(தொடரும்)

************

Holy Fire
(A Collection of English Poems)

(Nine Visionary Poets & the Quest for Enlightenment) 1994

Edited By : Daniel Halpern
Harper Prennial
A Division of Harper Collins Publishers

1. Mirabhai Songs were tranlated from Rajasthani by : 1. Andrew Shelling 2. Robert Bly & 3. Jane Hirshfield.

2. Mira Bhai By : Swami Sivananda (February 18, 2005)

*********************

S. Jayabarathan [jayabarat@tnt21.com (April 15, 2008)]

Series Navigation