• Home »
  • »
  • அண்டைவீட்டுக்காரனிடம் அன்பு செலுத்து: உள்குழு ஒழுக்கத்தின் பரிணாமம். பகுதி 9 Onward Christian Soldiers முன்னேறும் கிறிஸ்துவ போர

அண்டைவீட்டுக்காரனிடம் அன்பு செலுத்து: உள்குழு ஒழுக்கத்தின் பரிணாமம். பகுதி 9 Onward Christian Soldiers முன்னேறும் கிறிஸ்துவ போர

This entry is part of 48 in the series 20101227_Issue

ஜான் ஹார்ட்டுங்


Onward Christian Soldiers முன்னேறும் கிறிஸ்துவ போர்வீரர்கள்

யூத மதத்துக்கு அடிபணியாத யூத மதத்தின் கிளைமதமாக உருவாகியிருக்கும் கிறிஸ்துவ மதம் தான் தனது தெய்வத்தோடு செய்துகொண்டுள்ள புது ஒப்பந்தம், யூத மதம் செய்த ஒப்பந்தத்தை விட ஒழுக்கரீதியில் சிறப்பானது என்று கருதிகொள்வது வழக்கம். இந்த மனப்பிரமை ராணுவ மற்றும் காலனிய ஆசைகளுக்கு நன்றாகவே உதவியிருக்கிறது என்பதை கடந்த இரண்டாயிரம் வருட வரலாறு காட்டுகிறது. தாமஸ் பெய்ன், இதனை”கீழ்த்தரமான திருட்டுத்தனம்” (1794, pp. 12, 180, 183): என்று இதனை கூறுகிறார்.

சில கிறிஸ்துவர்கள் கிறிஸ்துவ மதம் வாளால் பரப்பப்பட்டதல்ல என்று வேஷம் போடுகிறார்கள். ஆனால், எந்த காலத்தை பற்றி பேசுகிறார்கள்? பன்னிரண்டு பேர்கள் நிச்சயமாக வாளால் தங்கள் மதத்தை பரப்ப ஆரம்பித்திருக்கமுடியாது. அவர்களிடம் அதற்கான சக்தியும் இருந்திருக்கமுடியாது, ஆனால், எப்போது கிறிஸ்துவ மதத்தை சேர்ந்தவர்களிடம் வாளை உபயோகப்படுத்தும் அளவுக்கு சக்தி வந்ததோ அப்போதிலிருந்து வாளை உபயோகப்ப்படுத்த ஆரம்பித்தார்கள். நெருப்பில் சுடுவதையும் சித்திரவதைகளையும் தாராளமாக பய்னபடுத்தினார்கள். எதிரிகள மீது அன்பு செலுத்தவேண்டும் என்று போதித்த இவர்கள்தான் உலகத்தின் மிகப்பெரிய கொடுங்கோலர்களாகவும் சித்திரவதையாளர்களாகவும் இருந்தார்கள். ஏனெனில் இந்த கொள்கையே ஒரு ஏமாற்றுத்தனமானது. ஆகவே இப்படிப்பட்ட ஏமாற்றுதனமான கொள்கை அதற்கு எதிரான திசையிலேயே நடைமுறைபடுத்தப்படும் என்பதும் எதிர்பார்க்கக்கூடியதுதான்.

முரண்பாடுகளின் மூட்டையாகவும், கற்பனைக்கு மிஞ்சியதாகவும் ( பரிசுத்த ஆவி வரையறுக்கமுடியாததாகவும், அதே நேரத்தில் இஸ்ரேலியர்களின் தெய்வமாகவும், அந்த தெய்வத்தின் மகனாகவும் ஒரே நேரத்தில் இருப்பது ) போன்றவைகளுக்காக பெருமைப்பட்டுக்கொள்ளும் கிறிஸ்துவ மதத்தின் தெய்வம், உள்குழுவுக்கு வெளியே இருப்பவர்கள் மீது கொண்டிருக்கும் வெறுப்பை கொஞ்சமாவது உருப்படியாக மறைத்திருக்கலாம். அதுவும், பெரும்பாலான தற்போதைய கிறிஸ்துவர்கள் இயேசுவின் நிலைப்பாட்டின்படியே உள்குழுவுக்கு வெளியே உள்ளவர்களாக இருக்கும் பட்சத்தில் தன் வெறுப்பை மறைப்பதில் சற்று கவனம் செலுத்தியிருக்கலாம். இஸ்ரேலில் மீதமிருந்த கானானிய தேசத்தவர் மீது இயேசு காட்டும் வெறுப்பை பாருங்கள். (Matthew 15:21-28; RSV):
And Jesus went away from there and withdrew to the district of Tyre and Sidon. And behold, a Canaanite woman from that region came out and cried, “Have mercy on me, O Lord, Son of David; my daughter is severely possessed by a demon.” But he did not answer her a word. And his disciples came and begged him, saying, “Send her away, for she is crying after us.” He answered, “I was sent only to the lost sheep of the house of Israel.” But she came and knelt before him, saying, “Lord, help me.” And he answered, “It is not fair to take the children’s bread and throw it to the dogs.” She said, “Yes, Lord, yet even the dogs eat the crumbs that fall from their masters’ table.” Then Jesus answered her, “O woman, great is your faith! Be it done for you as you desire.” And her daughter was healed instantly.
21. பின்பு, இயேசு அவ்விடம் விட்டுப் புறப்பட்டு, தீரு, சீதோன் பட்டணங்களின் திசைகளுக்குப் போனார். 22. அப்பொழுது, அந்தத் திசைகளில் குடியிருக்கிற கானானிய ஸ்திரீ ஒருத்தி அவரிடத்தில் வந்து: ஆண்டவரே, தாவீதின் குமாரனே, எனக்கு இரங்கும், என் மகள் பிசாசினால் கொடிய வேதனைப்படுகிறாள் என்று சொல்லிக் கூப்பிட்டாள். 23. அவளுக்குப் பிரதியுத்தரமாக அவர் ஒரு வார்த்தையும் சொல்லவில்லை. அப்பொழுது அவருடைய சீஷர்கள் வந்து: இவள் நம்மைப் பின் தொடர்ந்து கூப்பிடுகிறாளே, இவளை அனுப்பிவிடும் என்று அவரை வேண்டிக்கொண்டார்கள். 24. அதற்கு அவர்: காணாமற்போன ஆடுகளாகிய இஸ்ரவேல் வீட்டாரிடத்திற்கு அனுப்பப்பட்டேனேயன்றி, மற்றப்படியல்ல என்றார். 25. அவள் வந்து: ஆண்டவரே, எனக்கு உதவிசெய்யும் என்று அவரைப்பணிந்து கொண்டாள். 26. அவர் அவளை நோக்கி: பிள்ளைகளின் அப்பத்தை எடுத்து, நாய்க்குட்டிகளுக்குப் போடுகிறது நல்லதல்ல என்றார். 27. அதற்கு அவள்: மெய்தான் ஆண்டவரே, ஆகிலும் நாய்க்குட்டிகள் தங்கள் எஜமான்களின் மேஜையிலிருந்து விழுகிற துணிக்கைகளைத் தின்னுமே என்றாள். 28. இயேசு அவளுக்குப் பிரதியுத்தரமாக: ஸ்திரீயே, உன் விசுவாசம் பெரிது; நீ விரும்புகிறபடி உனக்கு ஆகக்கடவது என்றார். அந்நேரமே அவள் மகள் ஆரோக்கியமானாள்.

இந்த அற்புதச் செயலுக்கு பின்னால் உள்ள அனுமானங்கள் ஏராளமான விஷயங்களை வெளிக்காட்டுகின்றன. உள்குழு உறுப்பினர்களை ஒப்பிடும்போது, தங்களை நாய்களாக கருதிக்கொள்ளக்கூடிய குழுவுக்கு வெளியே உள்ள பழங்குடியினர் சகித்துகொள்ளப்படுவார்கள். (9) இது பொருள் பொதிந்தது. ஏனெனில் இயேசு டேவிடின் ராஜ்ஜியத்தை மீண்டும் ஸ்தாபிக்க விரும்புகிறார். பல ஆயிரக்கணக்கான பவுண்டு தங்கம் வெளிநாடுகளிலிருந்து இஸ்ரேலுக்குள் கப்பமாக வரும்போது உள்குழு உறுப்பினர்கள் தங்களது நகரத்தின் தெருக்களை தாங்களே சுத்தம் செய்வதும், தங்களது கழிப்பறைகளை தாங்களே சுத்தம் செய்வதும் தகுமா? தினக்கூலி செய்யும் மக்கள் தேவைப்படுவார்கள். ரோமானியர்களையும், தாய்லாந்தினரையும், பிலிப்பினோக்களையும் இறக்குமதி செய்வது இன்னும் கற்பனை செய்யப்படவில்லை (Goell, 1994). ஆகவே எஜமானர்களின் மேஜையிலிருந்து விழும் துண்டுகளை பொறுக்கித் தின்னும், உள்நாட்டிலேயே இருக்கும் வெளிக்குழு உறுப்பினர்கள் இந்த இடத்தில் மிகச்சரியாக பொருந்துவார்கள்.
இதே கதைதான் மாற்கு 7:24-30இலும் சொல்லப்படுகிறது. இங்கே கானானியர் கிரேக்கராகி விடுகிறார். அதாவது இயேசு பாரபட்சம் காட்டுவதை வெளிக்குழு உறுப்பினர்கள் எல்லோருக்கும் சமமாகவே பாரபட்சம் காட்டுகிறார்.

The New In-Group Judaism புதிய உள்குழு யூதமதம்

புதிய ஏற்பாடு சுவிசேஷங்களை பொறுத்தமட்டில் இயேசு வெளிப்படையாக கூறும் வேலைத்திட்டம் யூதமதத்தை சீர்திருத்துவதுதான். அதாவது சடங்குகளிலும், பெருமையிலும் சிக்கிக்கொண்டு, ரோமானிய ஆக்கிரமிப்பின் கீழ் வர்க்க வேறுபாடுகளை உறுதியாக்கிக்கொண்டுள்ள யூத மதத்தை மீட்டு, மீண்டும் உள்குழு ஒழுக்கத்தை நிலைநாட்டுவதுதான் அவரது வேலைத்திட்டம். இதனை மீண்டும் மீண்டும் வலியுறுத்துகிறார். உள்குழு உறுப்பினர்களிடம் தனது கருத்துக்களை கொண்டு செல்லும்படி தனது சீடர்களிடம் கேட்டுகொள்ளும்போதெல்லாம், குழுவுக்கு வெளியே உள்ளவர்களிடம் போய் எதுவும் சொல்ல வேண்டாம் என்று வலியுறுத்துகிறார். (e.g., Matthew 10:5-6; RSV): “Go nowhere among the Gentiles, and enter no town of the Samaritans, but go rather to the lost sheep of the house of Israel.” (e.g., Matthew 10:5-6; RSV): 5. இந்தப் பன்னிருவரையும் இயேசு அனுப்புகையில், அவர்களுக்குக் கட்டளையிட்டுச் சொன்னது என்னவென்றால்: நீங்கள் புறஜாதியார் நாட்டுக்குப் போகாமலும், சமாரியர் பட்டணங்களில் பிரவேசியாமலும், These twelve Jesus sent forth, and commanded them, saying, Go not into the way of the Gentiles, and into any city of the Samaritans enter ye not: 6. காணாமற் போன ஆடுகளாகிய இஸ்ரவேல் வீட்டாரிடத்திற்குப் போங்கள். But go rather to the lost sheep of the house of Israel.

இயேசு அண்டைவீட்டுக்காரன் என்ற வார்த்தையையும் சகோதரன் என்ற வார்த்தையையும், வெளிப்படையாக சொல்லாமல், சக யூதர்களை குறிக்கவே உபயோகப்படுத்துகிறார். (முதலாம் நூற்றாண்டு இஸ்ரேலில் யூதர்கள் மத்தியில் இயேசுவின் வேலைத்திட்டத்தை பற்றிய அறிவார்ந்த அதே நேரத்தில் இயேசுவுக்கு சாதகமான பார்வைக்கு வெர்மஸ் Vermes, 1973 படிக்கவும்) முரண்நகையாக, ஏராளமான வசனங்களில் யூதரல்லாதவர்களை தெளிவாகவே அவர்கள் இதில் சேர்த்தி இல்லை என்று இயேசு கூறியிருந்தாலும், இன்றைய யூதரல்லாத கிறிஸ்துவர்கள் தங்களையும் இந்த சகோதரர் என்ற வார்த்தையில் சேர்த்துகொண்டு அடையாளப்படுத்திகொள்கிறார்கள். உதாரணமாக, மாத்யூ18:15-18, எடுத்துகொள்வோம். இதில் யூதர்களுக்கு எதிராக யூதர்கள் செயலாற்றினால், அவர்களது தவறுகளை அவர்கள் திருத்திகொள்ளமுடியாதபடி இருந்தால், அவர்களை யூதரல்லாதவர்களாகவும் வரி வசூலிப்பவர்களாகவும்தான் கருதவேண்டும் (வரி வசூலிக்கும் யூதர்கள், யூதரல்லாத ரோமானிய அரசாங்கத்துக்கு வரி வசூலித்தார்கள்) இவர்களை சொர்க்கத்துக்கு வரமுடியாதபடி நிராகரிக்கப்படுவார்கள் என்று கூறுகிறார். (RSV, see also Matthew 5:47; 6:7; 6:32; 10:16-21):
If your brother sins against you, go and tell him his fault, between you and him alone. If he listens to you, you have gained your brother. But if he does not listen, take one or two others along with you, that every word may be confirmed by the evidence of two or three witnesses. If he refuses to listen to them, tell it to the church; and if he refuses to listen even to the church, let him be to you as a Gentile and a tax collector. Truly, I say to you, whatever you bind on earth shall be bound in heaven, and whatever you loose on earth shall be loosed in heaven. 15. உன் சகோதரன் உனக்கு விரோதமாகக் குற்றஞ்செய்தால், அவனிடத்தில் நீ போய், நீயும் அவனும் தனித்திருக்கையில், அவன் குற்றத்தை அவனுக்கு உணர்த்து; அவன் உனக்குச் செவிகொடுத்தால், உன் சகோதரனை ஆதாயப்படுத்திக்கொண்டாய். 16. அவன் செவிகொடாமற்போனால், இரண்டு மூன்று சாட்சிகளுடைய வாக்கினாலே சங்கதிகளெல்லாம் நிலைவரப்படும்படி, இரண்டொருவரை உன்னுடனே கூட்டிக்கொண்டு போ. 17. அவர்களுக்கும் அவன் செவிகொடாமற்போனால், அதைச் சபைக்குத் தெரியப்படுத்து; சபைக்கும் செவிகொடாதிருப்பானானால், அவன் உனக்கு அஞ்ஞானியைப்போலவும் ஆயக்காரனைப்போலவும் இருப்பானாக. 18. பூலோகத்திலே நீங்கள் எவைகளைக் கட்டுவீர்களோ அவைகள் பரலோகத்திலும் கட்டப்பட்டிருக்கும்; பூலோகத்திலே நீங்கள் எவைகளைக் கட்டவிழ்ப்பீர்களோ அவைகள் பரலோகத்திலும் கட்டவிழ்க்கப்படும் என்று மெய்யாகவே உங்களுக்குச் சொல்லுகிறேன். 19. அல்லாமலும், உங்களில் இரண்டுபேர் தாங்கள் வேண்டிக்கொள்ளப்போகிற எந்தக் காரியத்தைக்குறித்தாகிலும் பூமியிலே ஒருமனப்பட்டிருந்தால், பரலோகத்திலிருக்கிற என் பிதாவினால் அது அவர்களுக்கு உண்டாகும் என்று உங்களுக்குச் சொல்லுகிறேன்.

யூத மதத்தை சீர்திருத்தும் இயேசுவின் நோக்கம் மீண்டும் மீண்டும் இயேசுவால் கூறப்படுகிறது. இது கடவுளின் ராஜ்ஜியத்தை பூமியில் அமைப்பது. அவரே மெஸையாவாக இருந்து அந்த ராஜ்ஜியத்தை அமைப்பது அல்லது மெஸையா வர இவர் வழி தருவது. (Vermes, 1973 படிக்கவும். இதில் இயேசு தானே மெஸையா என்பதில் உறுதியாகவும், சில நேரங்களில் மெஸையா வர இவர் வழி தருவது மென்மையாகவும் உள்ளதை குறிப்பிடுகிறார். இயேசு தன்னை மெஸையா என்று கருதியது அவரது வார்த்தைகளில் அவ்வப்போது உறுதியாகி அவ்வப்போது பலவீனமானது. ஆனால், இன்றைய கிறிஸ்துவம் குறிப்பிடுவது போல அவரை கடவுள் என்று வணங்குவதை பார்த்தால் நிச்சயம் கொதித்தெழுந்துவிடுவார்) பல நூற்றாண்டுகள் வெளிநாட்டினரது ஆட்சியில் கிடந்த இஸ்ரேலை மீட்டு அங்கு தனது உள்குழுவை, மோஸஸ் ஒருங்கிணைத்ததை விட மிக உறுதியாக ஒருங்கிணைக்க விரும்புகிறார். இந்த புதிய நேரடி ஒழுக்க விதிகளை கொண்டுவருவதன் மூலம், ஒன்பது முறை அண்டைவீட்டுக்காரனிடம் அன்பு செலுத்து என்று வலியுறுத்தி, இந்த ஒருங்கிணைப்பு நோக்கத்துக்காக, உள்குழுவுக்குள் வரும் யூதர் உன் கன்னத்தில் அடித்தாலும் வாங்கிகொண்டு அவருக்கு மறுகன்னத்தை காட்டச்சொல்கிறார் (Matthew 5:39).

காரணம் அவரது திட்டம், அல்லது அவரது வார்த்தைகள்,. அந்த வார்த்தைகள் புனிதமானவை. இயேசு தனது புனிதமான திட்டம் வெளிக்குழு உறுப்பினர்களுக்கு தெரியக்கூடாது என்று மிகவும் கவலைப்படுகிறார். ஆகவே தனது சீடர்களிடம் மீண்டும் அறிவுறுத்துகிறார். (Matthew 7:6; RSV): “Do not give dogs what is holy; and do not throw your pearls before swine.” இந்த இடத்தில் நாய்கள் என்பது மீதமிருக்கும் கானானியர்களையும் சமாரியர்களையும் குறிக்கிறது (e.g., Matthew 15:2128 above) பன்றிகள் என்பது பன்றிக்கறி தின்னுபவர்களை, அதாவது யூதரல்லாதவர்களை குறிக்கிறது. முத்துக்கள் என்பன, உள்குழு உறுப்பினர்களை எப்படி நடத்த வேண்டும் என்று கூறப்பட்ட ஞான முத்துக்கள். இப்படியே சொன்னால், மாத்தியூ 7:6 சொல்லும் வசனம் என்பது முதலாம் நூற்றாண்டு வழக்கில் “நமது திட்டத்தை வெள்ளைக்காரர்களிடம் மட்டும் சொல்லுங்கள். நீக்ரோக்களிடமும் ஹிஸ்பானிக்குகளிடமும் (ஸ்பானிஷ் மொழி பேசும் அமெரிக்கர்கள்) சொல்ல வேண்டாம்” என்று கொச்சையாக சொல்லுவதற்கு ஒப்பானது. அசிங்கமான வார்த்தைகள்தான். ஆனால், இதனைத்தான் ஏதோ கவிதை போல கிறிஸ்துவர்கள் அடிக்கடி சொல்லிக்கொள்கிறார்கள்.

முந்தைய டேவிடின் வழித்தோன்றல் “according to the flesh” (Romans 1:3), என்று தன்னை கூறிக்கொள்வதன் மூலம் , இயேசு தன்னையும் இந்த திட்டத்தை நிறைவேற்றவும், டேவிடை போலவே இஸ்ரேலின் எல்லைகளை மத்தியக்கிழக்கு முழுவதும் விஸ்தரிக்க கூடியவர் என்றும் தன்னை கூறிகொள்கிறார் (Luke 1:31-33; RSV):
And behold, you will conceive in your womb and bear a son, and you shall call his name Jesus. He will be great, and will be called the Son of the Most High; and the Lord God will give to him the throne of his father David, and he will reign over the house of Jacob [Israel] for ever; and of his kingdom there will be no end. 31. இதோ, நீ கர்ப்பவதியாகி ஒரு குமாரனைப் பெறுவாய்; அவருக்கு இயேசு என்று பேரிடுவாயாக. 32. அவர் பெரியவராயிருப்பார், உன்னதமானவருடைய குமாரன் என்னப்படுவார்; கர்த்தராகிய தேவன் அவருடைய பிதாவாகிய தாவீதின் சிங்காசனத்தை அவருக்குக் கொடுப்பார். 33. அவர் யாக்கோபின் குடும்பத்தாரை என்றென்றைக்கும் அரசாளுவார்; அவருடைய ராஜ்யத்துக்கு முடிவிராது என்றான்.

இயேசுவின் கவர்ச்சி முழுக்க முழுக்க நிராதரவானவர்களிடமே இருந்தது. அவர்களுக்கு மிகவும் ஆசையாக இருந்ததை, அதாவது இஸ்ரேல் முன்பு போல மத்தியக்கிழக்கை ஆளுவதை அவர் நம்பிக்கையாக கொடுத்தார். (Acts 1:6-8; RSV; see also Luke 2:32; 24:21; 24:44; 24:49; and Revelations 1:5-7; 11:17-18):
They asked him, “Lord, will you at this time restore the kingdom to Israel?” He said to them, “It is not for you to know times or seasons which the Father has fixed by his own authority. But you shall receive power when the Holy Spirit has come upon you; and you shall be my witnesses in Jerusalem and in all Judea and Samaria and to the end of the earth.”
1.6. அப்பொழுது கூடிவந்திருந்தவர்கள் அவரை நோக்கி: ஆண்டவரே, இக்காலத்திலா ராஜ்யத்தை இஸ்ரவேலுக்குத் திரும்பக் கொடுப்பீர் என்று கேட்டார்கள். 7. அதற்கு அவர்: பிதாவானவர் தம்முடைய ஆதீனத்திலே வைத்திருக்கிற காலங்களையும் வேளைகளையும் அறிகிறது உங்களுக்கு அடுத்ததல்ல. 8. பரிசுத்த ஆவி உங்களிடத்தில் வரும்போது நீங்கள் பெலனடைந்து, எருசலேமிலும், யூதேயா முழுவதிலும், சமாரியாவிலும், பூமியின் கடைசிபரியந்தமும், எனக்குச் சாட்சிகளாயிருப்பீர்கள் என்றார்.

ஏசையாவின் கனவை நிறைவேற்ற ஆசைப்பட்டார். (see Matthew 3:3; 4:4; 8:17; 12:17; 13:14; Mark 1:2; Luke 3:4-6; John 1:23; 12:38-41) அதாவது கடவுளின் ராஜ்ஜியத்தை பூமியில் ஸ்தாபிக்க விரும்பினார். அவரது தெய்வம் ஆபிரஹாமுக்கு அளித்த வாக்குறுதியை நிறைவேற்றப்படுவதை விரும்பினார். ஆதியாககம் 26:4இல் (Genesis 26:4) குறிப்பிடப்படும் இந்த வாக்குறுதி ஒருமாதிரி மூடி மறைத்து மொழிபெயர்க்கப்படுகிறது. இதில் ஹீப்ரு வார்த்தையான பராக் (barak)என்பது ஆசீர்வாதம் என்ற பொருளில் மொழிபெயர்க்கப்படுகிறது. இந்த வார்த்தையின் மூலப்பொருள் ”மண்டியிடுவது” ஆதியாகமம் 24:11 ஐபார்க்கவும். II Chronicles 6:13; Psalms 95:6; ஆகியவற்றையும் பார்க்கவும். இங்கெல்லாம் மண்டியிடுவது என்ற பொருளிலேயே உபயோகப்படுத்தப்பட்டிருக்கிறது. சாபம் அல்லது சாபமிடுவது என்ற பொருளில் Job 1:5; 1: 11; 2:5; 2:9 உபயோகப்படுத்தப்படுகிறது. ஒரு மனிதன் அல்லது ஒரு தேசம் ஆசீர்வதிக்கப்படுகிறது என்றால், ஆசீர்வதிக்கும் ஒரு தெய்வத்தின் முன்னரோ அல்லது மற்றொரு மனிதனின் முன்னரோ மண்டியிட்டு அது தனது அடிமைத்தனத்தை ஏற்றுகொள்கிறது என்று பொருள். (see also Genesis 12:2-3; 18:18; 22:18; 28:14 and 26:4):

“I will multiply your descendants as the stars of heaven, and will give to your descendants all these lands; and by your descendants all the nations of the earth shall bless [kneel] themselves.” நான் உன் சந்ததியை வானத்தின் நட்சத்திரங்களைப்போலப் பெருகப்பண்ணி, உன் சந்ததிக்கு இந்தத் தேசங்கள் யாவையும் தருவேன்; உன் சந்ததிக்குள் பூமியிலுள்ள சகல ஜாதிகளும் ஆசீர்வதிக்கப்படும் என்றார். (அதாவது ஆபிரஹாமின் சந்ததி முன்னர் பூமியின் சகல ஜாதிகளும் மண்டியிடும்)

ரோமப் பேரரசின் முன்னர் மண்டியிடும்படி நேர்ந்துவிட்ட முதலாம் நூற்றாண்டு யூதர்களுக்கு தேவனின் ராஜ்ஜியம் என்பது நடைமுறையில் சாத்தியமும் அல்ல. அது எந்த ஒரு ஒழுக்க ரீதியிலும் நல்ல ஐடியாவும் அல்ல. உண்மையில் இயேசுவின் உள்குழுவுக்குள்ளேயே அது ஒரு ஆபத்தான ஐடியா. ஏற்கெனவே ரோமானியர்களுடன் கூடி வாழ்ந்துவரும் யூதர்களுக்கு அச்சுருத்தும் ஐடியாவும் கூட. ரோமாபுரியின் முன்னர் மண்டியிட்டு அதன் செல்வங்களை பெற்று வருபவர்களுக்கு இயேசுவின் போதனைகள் அச்சுருத்தலாக இருந்ததால், அவர்கல் இயேசு இவ்வாறு பேசியதால் சிலுவையிலறைந்தார்கள்.

Rewriting the Script வசனங்களுக்கு மாறு விளக்கம்.

இப்படி இருக்கும்போது எங்கிருந்து கிறிஸ்துவ பொது நோக்கு வருகிறது? இது இஸ்ராலியராக இருந்த சவுல் என்பவரிடமிருந்து வருகிறது. இவர் தனது பெயரை பவுல் என்று மாற்றிகொள்கிறர். தன்னையே மெஸியா யூதரல்லாதவர்களுக்கு அனுப்பிய அப்போஸ்தலர் என்றும் கூறிக்கொள்கிறார். பவுலின் பெயர் மாற்றம் போலவே, இயேசுவின் வார்த்தைகளை மாற்றி பொதுவானதாக மாற்றுவதும் கொஞ்சம் அவருக்கு வசதிப்பட்டமாதிரி மாற்றிகொள்கிறார். ஏனெனில் பவுல் இஸ்ரேலிலிருந்து துரத்தப்பட்டு வேறு வழியின்றி தன்னை யூதரல்லாதவர்கள் மத்தியில் வாழ நிர்பந்திக்கப்பட்டவர். கூடவே, இவருக்கு வசதியாக பண்ணிக்கொண்ட, வெளிக்குழு உறுப்பினர்களுக்கு கௌரவ உள்குழு உறுப்பினர் அந்தஸ்து கொடுக்கும் இவரது முயற்சியும் வெகுவிரைவிலேயெ இஸ்ரேலின் மெஸியா வந்துவிடுவார் என்ற நிச்சயத்தின் மீதே இருக்கிறது. அதுவும் நிச்சயமாக சில வருடங்களுக்குள், அல்லது சுமாராக சில மாதங்களுக்குள், அல்லது இன்னும் சில வாரங்களிலேயே வந்துவிடுவார். ஆகவே இவரது ஆஃபர் குறிப்பிட்ட காலத்துக்குத்தான்.

பவுலின் செய்தியும் அவரது கூட பணியாற்றிய பீட்டரின் செய்தியும் ஏறத்தாழ ஒன்றுதான்: திருமணம் செய்துகொள்ள வேண்டாம். அப்படியே திருமணம் செய்திருந்தால் குழந்தை பெற்றுகொள்ள வேண்டாம். இப்போது எப்படி இருக்கிறீர்களோ அப்படியே இருங்கள். அதாவது நீங்கள் கொடுமைக்குள்ளான அடிமையாக இருந்தால் அப்படியே இருங்கள். கொடுமைப்படுத்தப்பட்ட பெண்ணாக இருந்தாலும் அப்படியே இருங்கள். அடிவாங்கினாலோ, அடக்க ஒடுக்கத்துடன் இருங்கல். ஏனெனில் இயேசு சீக்கிரம் வருகிறார். எந்த நாளிலும் வந்துவிடுவார். எல்லா நிலைமைகளும் மாறிவிடும். உங்களது வேதனைகளை பொறுத்துகொள்ளுங்கள். எவ்வளவு அநீதியாக இருந்தாலும் நீங்கள் நல்லபடி இருங்கள். அவர் இங்கே வரும்போது உங்களை பாதுகாப்பார். இப்படியே போகிறது.etc. For example (I Peter 2:18-21; see also I Corinthians 7:24-40; Timothy 6:1-2; Titus 2:9-10; and I Peter 3:1-6):
Servants, be submissive to your masters with all respect, not only to the kind and gentle but also to the overbearing. For one is approved if, mindful of God, he endures pain while suffering unjustly. For what credit is it, if when you do wrong and are beaten for it you take it patiently? But if when you do right and suffer for it you take it patiently, you have God’s approval. For to this you have been called, because Christ also suffered for you, leaving you an example that you should follow in his steps.
18. வேலைக்காரரே, அதிக பயத்துடனே உங்கள் எஜமான்களுக்குக் கீழ்ப்படிந்திருங்கள்; நல்லவர்களுக்கும் சாந்தகுணமுள்ளவர்களுக்கும் மாத்திரம் அல்ல, முரட்டுக்குணமுள்ளவர்களுக்கும் கீழ்ப்படிந்திருங்கள். 19. ஏனெனில், தேவன்மேல் பற்றுதலாயிருக்கிற மனச்சாட்சியினிமித்தம் ஒருவன் அநியாயமாய்ப் பாடுபட்டு உபத்திரவங்களைப் பொறுமையாய்ச் சகித்தால் அதுவே பிரீதியாயிருக்கும். 20. நீங்கள் குற்றஞ்செய்து அடிக்கப்படும்போது பொறுமையோடே சகித்தால், அதினால் என்ன கீர்த்தியுண்டு? நீங்கள் நன்மைசெய்து பாடுபடும்போது பொறுமையோடே சகித்தால் அதுவே தேவனுக்கு முன்பாகப் பிரீதியாயிருக்கும். 21. இதற்காக நீங்கள் அழைக்கப்பட்டுமிருக்கிறீர்கள்; ஏனெனில், கிறிஸ்துவும் உங்களுக்காகப் பாடுபட்டு, நீங்கள் தம்முடைய அடிச்சுவடுகளைத் தொடர்ந்துவரும்படி உங்களுக்கு மாதிரியைப் பின்வைத்துப்போனார்.

(குறிப்பு: அடிமைகள் slaves என்பதை இங்கே Servants, வேலைக்காரர்களே என்று மொழிபெயர்த்துகொள்கிறார்கள்)

அதாவது, உங்களது எஜமானர் நீங்கள் செய்யாத தவறுக்கு உங்களை அடித்தால், அது நீங்கள் இயேசு கிறிஸ்து போல இருக்க கிடைத்த ஒரு வாய்ப்பு. அடிவாங்கிக்கொள்ளுங்கள். நம்பிக்கையுடன் இருங்கள். உங்களுக்கு வெகுவிரைவிலேயே வெகுமதி கிடைக்கும். பீட்டர், பவுல் ஆகியோர் இந்த கால கார்ட்டூன்களில் வரும் “பாவிகளே மனந்திரும்புங்கள். முடிவு சமீபிக்கிறது” என்று அட்டையை வைத்துகொண்டு தெருக்களில் நிற்பவர்களுக்கு ஒப்பானவர்கள். இதோ வருகிறார் என்று சொல்லும் இந்த வரிகளை படித்தால், நாமே காலத்தில் பின்னால் சென்று “இதோ வருகிறார் என்று இவர்கள் சொல்லும் மெஸியா வருவதற்கு குறைந்தது 2000 வருடங்களாகும்” என்று சொன்னால், இந்த ஆரம்பகால கிரிஸ்துவ மிஷனரிகள் இஸ்ரேலுக்கு முதல் படகை பிடித்து சென்றிருப்பார்கள்.

முதல்பகுதி

இரண்டாம் பகுதி

மூன்றாம் பகுதி

நான்காம் பகுதி

ஐந்தாம் பகுதி

ஆறாம் பகுதி

ஏழாம் பகுதி

எட்டாம் பகுதி

Series Navigation

ஜான் ஹார்ட்டுங்