நண்பர்கள் பற்றிய குறிப்புகள்-3 (சிவகுமார்)

This entry is part of 39 in the series 20080612_Issue

கே.பாலமுருகன்



சிவகுமார்!
சிரிப்பதற்கென்றே நேரங்களைத்
தனியாகச் செலவிட விரும்பாதவன்!
சிரித்துக் கொண்டே
பேசிவிடுவான்!

அவனுக்கு
முகமெல்லாம் பற்கள்!
சிரித்துக் கொண்டுதான்
கோபப்படுவான்!
மௌனத்தைத் தொலைத்துவிட்டு
அலைபவன்!

மனிதர்களைச் சந்தித்துக் கொள்ளூம்
முதல் தருணத்திலேயே
சிரித்துதான் வைப்பான்!
ஏமாளியும்கூட!
கையிருப்பில் கிடக்கும்
எல்லாமும் சிரித்தே
பறிகொடுத்துவிட்டு
மீண்டும் சிரித்துக் கொண்டே
நிற்பான் பரிதாப ஏமாளி!

அவன் அழ வேண்டியதில்லை!
அவன் ஏமாந்த கதைகளையெல்லாம்
கேட்டு நான்தான் அழுது தீர்த்தேன்!
இப்பொழுது அவன் இங்கு இருப்பதாக
எந்தப் பதிவும் இல்லை!
யாராவது ஏமாந்தவர்களைப்
பார்க்கும் போதெல்லாம்
கண்கள் கலங்குகின்றன!


bala_barathi@hotmail.com

Series Navigation