உயிர்ப்பு

This entry is part [part not set] of 49 in the series 20110320_Issue

ரமேஷ் கல்யாண்


ஒரு மின்சாரக் கம்பத்தின்
கீழே
குப்புறக் கிடக்குதொரு காகம்

அண்டவிடாமல்
கரைந்து துரத்துகின்றன
அதன் உறவுகள்

ஓரிருமுறை அலகால் கொத்தி
அசைத்து தோல்வியுறுகிறது
ஒரு காகம்

கொஞ்ச நேரத்தில்
யாருமற்றுக் கிடக்குதந்தக் காகம்.
சிறகில் உறைந்த உயிர்

திடுமென்று கிளம்பிய
மெல்லிய காற்றொன்று
போகிற போக்கில்
அதன் சிறகுகளை சிலுப்பி
அசைத்துவிட்டுப் போகிறது

Series Navigation

ரமேஷ் கல்யாண்

ரமேஷ் கல்யாண்

உயிர்ப்பு

This entry is part [part not set] of 29 in the series 20030119_Issue

வசீகர் நாகராஜன்


என் சுவையறிந்து,
அளவாய்க் கலக்கின
தெருமுனைக்கடைத் தேநீர் !

தினசரி பேருந்து
ஜன்னலேரோப் பெண்ணின்
சிநேகப் புன்னகை !

யாரும் விதைக்காமல்
தோட்டத்தில் துளிர்விட்ட
பாகற்காயின் இனிமை !

அந்நிய தேசத்தில்
எதிர்பாராது செவிப்படும்
அவரவர் தாய்மொழி !

மழையும்,வெயிலும்
சேர்ந்தடித்த இளமாலையின்
மயக்கும் வானவில் !

தன் உணர்வே வார்த்தையாகையில்
பூவாய்த்
தைத்திடும் கவிதை !

மனதின் தாழ் களைந்து
நானே நானாய்
மாறியழ இரு தோள் !

உணரும் சில கணம்,
உயிர் மலரும் மறுபடியும் !

vasikar@yahoo.com

Series Navigation

வசீகர் நாகராஜன் - ஆங்கில மூலம் : லேங்ஸ்டன் ஹுயுக்ஸ் (1902-1967)

வசீகர் நாகராஜன் - ஆங்கில மூலம் : லேங்ஸ்டன் ஹுயுக்ஸ் (1902-1967)