பிச்சினிக்காடு இளங்கோ
தைத்திருநாள் விழா கவியரங்கம்—–5
இடம்: சிராங்கூன்சாலை கேம்பல் லேன், சிங்கப்பூர். நாள்: 15.01.07
சிறப்பு விருந்தினர்:திரு எஸ்.ஈஸ்வரன் (வர்த்தக ,தொழில் துணை அமைச்சர்,சிங்கப்பூர்)
முன்னிலை: திரைப்படக்கவிஞர் யுகபாரதி
ஏற்பாடு: லிட்டில் இந்தியா கடைத்தொகுதி மற்றும் மரபுடமைச்சங்கம் (தமிழவேள் நற்பணிமன்றம் பொறுப்பு)
கவியரங்கத் தலைமை : பிச்சினிக்காடு இளங்கோ
தலைப்பு…………………………………………..கவிஞர்கள்
அறுவடைத்திருநாள்………………கவிஞர் திருமுருகன்
திருவள்ளுவர் திருநாள்………….கவிஞர் மாதங்கி
புத்தாண்டு முதல்நாள்…………….கவிஞர் மகேஷ்குமார்
பொங்கல் திருநாள்……………….கவிஞர் மலர்விழி இளங்கோவன்
தமிழர்திருநாள்………………………கவிஞர் சேவகன்
பொதுத்தலைப்பு: தைத்திருநாள்
துணைத்தலைப்பு : தமிழர் திருநாள்(சேவகன்)
(பாடியது பிச்சினிக்காடு இளங்கோ)
ஆதியில் தமிழரிடம்
மதமில்லை
மனிதம் இருந்தது
‘னி’ என்கிற எழுத்து
அந்நியமானதால்
மனிதம்
மதமானது
ஆதியில் தமிழரிடம்
மனிதம் இருந்தது
பாதியில்தான் தமிழரிடம்
மதம் வந்தது
ஓரெழுத்துப் போனதால்
மனிதம்
மதம் ஆனது
தமிழர்களின்
தலையெழுத்து மாறியது
தலையெழுத்து மாறியதால்
மடமை
தலைவிரித்தாடியது
பளபளக்கும் விழாக்கள்
தலையெடுக்கத் தொடங்கின
தலையெடுத்த விழாக்களெல்லாம்
தமிழனைத்
தனித்தனியாய்ப் பிரித்தன
தனித்தனியாய்ப் பிரிந்தவனை
பிரிந்து
தனித்தீவாய் ஆனவனை
ஓரிடத்தில்
ஓரணியாய்
ஒன்றாகவைத்து–உள்ளத்தால்
ஒன்றவைத்து
தைத்த விழாதான்
தைத்திருநாள்
தமிழர் திருநாள்
அதுதான்
தமிழர்களின்
சமத்துவிழா
உயர்திணைகளோடு மட்டும்
தமிழன்
ஒன்றிப்போனதில்லை
அ·றிணைகளோடும்
ஐக்கியமானவன்
அ·றிணைகளையும்
அரவணைத்துக்கொண்டவன்
அதனால்தான்
மாட்டுக்கும் பொங்கல்வைத்தான்
மாட்டுக்கும் பொங்கல்
மாட்டுக்கும் ஊர்வலம்
எந்த நாட்டிலுண்டு?
தமிழர்வாழும்
எந்த நாட்டிலுமுண்டு–அதனால்
சிங்கைநாட்டிலுமுண்டு
(சேவகனை அழைத்தல்)
இவரோடு நகைச்சுவை
இணைந்து பிறந்தது
அறுசுவை உணவுபோல்
இவர்கவிதை
அனைத்துச்சுவையும் நிறைந்தது
இவர் சேவகனா?
கேசவனா?
தமிழ்முரசு குழப்பியது
தொண்டுசெய்வதும்—தமிழுணர்வை
தூண்டிவிடுவதும்
சேவையாயிவர் செய்வதால்
சேவகன்தான் இவர்பெயர்
விழித்திடத்தான் அதிகாலை
சேவல்கூவும்
விழிப்புணர்வைச் சேவகன்
கவிதைத்தூவும்
வாய்ப்புகளைக் குறைப்பதனால்
இவர்திறமை குறைவதில்லை
வாய்ப்புகளை வழங்குதற்கு
கவிமாலை மறந்ததில்லை
ஆண்டுக்கு ஒருவாய்ப்பு
இதுவே போதும்–அது
ஆனைமுகன்
பெற்றோரைச் சுற்றிவந்து
பெற்றதிரு ஞானப்பழம்போலாகும்
ஞானப்பழம் பெற்றவர்போல்–கவி
ஞானம்மிக பெற்றவரே
கானம் பாடவல்ல
வானம்பாடியாரே வாருங்கள்
தமிழர்திருநாள் வரலாற்றைப்பாடுங்கள்
தமிழர்திருநாள் வருங்காலம்பாடுங்கள்
சேவைசெய்யும் சேவகனே–அச்
சேவையை
இப்போது
இங்கே
இந்த
அவையில் செய்யுங்கள்
( தமிழர்திருநாள் பற்றி சேவகன் பாடுகிறார்)
///////////////////////////////////////////////////////////////////////////////////
(பாடிமுடித்தபின்)
/////////////////////////////////////////////////////////
(மீண்டும் இளங்கோ)
இலக்கணத்தோடு பாடினால்தான்
தளைதட்டும்–இவர்
இதயத்திலிருந்தல்லவா பாடினார்
எப்படித் தளைதட்டும்?
களைகட்டும்
இவரும் கவிதையில்
களைகட்டினார்
கைதட்டல் மிகவாங்கினார்
சொன்னதுபோல் பாடிவைத்தார்–கருத்துக்களைச்
சொல்லிவைத்தார் சேவகன்
சொக்கவைத்தார் சேவகன்
கல்வெட்டில் எழுதியதுபோல்
காலத்தைப் பதிவுசெய்தார்
சொல்வெட்டில் திருநாளை
சொற்சிற்பம் செதுக்கிப்போனார்
சேவகன் செய்ததெல்லாம்
சேவை
தமிழ்ச்சேவை
சேவகன் செய்யும் சேவை
தேவை
மிகத்தேவை
வாழ்த்துக்கள்
(முடிவுரை)
தைத்திருநாள்
தமிழர்திருநாள்
பொங்கல்திருநாள்
புத்தாண்டின் முதல்நாள்
திருவள்ளுவர் திருநாள்
அறுவடைத்திருநாள்
எத்துணைப்பரிமாணம்
இந்தத்திருநாளுக்கு!
ஆடுகளை மாடுகளை
அனைத்து உயிர்களை
சமமென்று எண்ணுகிற ஞானம்–தமிழர்
தவமின்றிப் பெற்றதிரு ஞானம்
ஆதவனை வணங்குவது
அறுவடையைப் பொங்குவது
ஞானத் தமிழர்தந்த பாடம்–அறிவை
வீணாக்கும் விழாவெல்லாம் வேடம்
வேடம் களைவோம்–தமிழ்ஞானப்
பாடம் பயில்வோம்
அறுவடைத்திருநாளே
பொங்கல் திருநாள்
பொங்கல் திருநாளே
தமிழர் திருநாள்
தமிழர் திருநாளே
தைத்திரு முதல்நாள்
தைத்திரு முதல்நாளே
புத்தாண்டின் முதல்நாளே
இன்றுதான் இன்றுதான்
தமிழர்க்குப் புத்தாண்டு
புத்தாண்டு பிறந்த இன்று
புதியதை வரவேற்போம்
புதிய’ தை’ பிறந்த இன்று
அமைதியை ஆராதிப்போம்
மதத்தை மறந்திவிட்டு
மனிதத்தை வென்றெடுப்போம்
நன்றியோடு வாழ்ந்து
நன்றியை நிலைக்கவைப்போம்
நன்றி
(அடுத்தவாரம் தொடரும்)
- பெரியபுராணம்-126 – 39. சோமாசி மாற நாயனார் புராணம்
- காதல் நாற்பது (15) காதலிப்பாய் காதலுக்காக !
- தன்னை விலக்கி அறியும் கலை
- பயாஸ்கோப் பேசிய பாலிடிக்ஸ் – 12
- இலை போட்டாச்சு! – 23 – ரசவாங்கி வகைகள் (அரைத்து விடாத) கத்தரிக்காய் ரசவாங்கி
- லைஃப் ஸ்டைல்
- நாணயத்தின் மறுபக்கம்
- எகிப்தின் எழிலரசி கிளியோபாத்ரா (பேரங்க நாடகம்) (அங்கம்:7 காட்சி:6)
- சதாரா மாலதி மறைவு
- இந்தியத் துணைக்கோள் இன்ஸாத்-4B ஏரியன்-5 ஏவுகணையில் பயணம் (மார்ச் 11, 2007)
- கரிச்சான் குஞ்சு – தோற்றம் தரும் முரண்கள்
- நற்குணக் கடல்: ராம தரிசனம்
- எழுத்தறிவு அற்றவர்களின் எண்ணறிவு
- பாரதி இலக்கிய சங்கம் நடத்தும் இந்த ஆண்டுக்கான பரிசுப் போட்டி
- அன்புடன் கவிதைப் போட்டி
- அலாஸ்கா கடற் பிரயாணம் – நான்காம் பாகம்
- தமிழ் மொழிபெயர்ப்பாளர்கள் சங்கம் – இரண்டாம் ஆண்டு பொதுக்குழுக் கூட்டம்
- கலைப்படம் – தமிழ்ச் சினிமா தவறவிட்ட அத்தியாயம்
- குரு என்னும் சுடர் : பேராசிரியர் ஜேசுதாசன் நினைவில்….
- அம்பையின் எழுத்து
- மாத்தா-ஹரி அத்தியாயம் -3
- திசைகளைநோக்கி விரிவடையும் கோடுகள்
- கனவுக் கொட்டகை
- தைத்திருநாள் விழா கவியரங்கம் – 5
- புல்லாங்குழல்களின் கதை
- பூப்பறிக்கும் கோடரிகள்
- நீர்த்திரை
- குடும்பம்
- கவிதைகள்
- சிண்டா
- ஒரு பாமரனின் எண்ண வெளிப்பாடு – தமிழ் வலைப்பூக்களின் பரிணாமம்
- சட்டமும் தமிழும்: கனவுகளும்,கசப்பான உண்மைகளும்
- கிரிக்கெட் – விளையாட்டுக்களை அழிக்க வந்த அரக்கன்
- தொடர்நாவல்: அமெரிக்கா -II – அத்தியாயம் நான்கு: மதகுருவின் துணிவு!
- புரு
- நீர்வலை (17)
- மடியில் நெருப்பு – 31
0
தைத்திருநாள் விழா கவியரங்கம்