இடைவெளி

This entry is part of 35 in the series 20110213_Issue

ரமேஷ் கல்யாண்


வைத்த இடத்திலேயே
வைத்தபடி இருக்கும்பொருட்களுக்கும்
அதன் கலைப்புகளுக்கும் இடையே –

எழுதிய பக்கங்கள்
எழுதியபடியே இருப்பதற்கும்
அதில் ததும்பும் கிறுக்கல்கிளுக்கும் இடையே –

குடிநீர்க் குடம்
சுத்தமாக இருப்பதற்கும்
கை இடக் கலங்குவதர்க்கும் இடையே –

ஒரு துடைப்பம்
கச்சிதமாக இருப்பதற்கும்
குச்சிகள் சிதற கலைந்து கிடப்பதற்கும் இடையே –

ஒரு தூக்கம்
முழுமையாக சுவைக்கப் படுவதற்கும்
அடிக்கடி கலைக்கப் படுவதற்கும் இடையே

மாயச் சிறகென எழில் நலுங்குகிறது
ஒரு குழந்தையின் வருகை

Series Navigation

ரமேஷ் கல்யாண்