தீக்குள் விரலை வைத்தால்….

This entry is part of 36 in the series 20030223_Issue

மணவழகன் ஆறுமுகம்


ஆயிரம் கொலுசுகள்
அபிநயம் புரிந்தாலும்,
அரை நொடியில் அறிந்திடுவேன்…
குறைதீர்க்கும் உன் கொலுசின் ஓசைதனை!

உலகத்தார் வளையெல்லாம்
ஒன்றாக ஒலித்தாலும்,
உள்ளத்தால் உணர்ந்திடுவேன்
உன் வளையல் பாசைதனை!

மல்லிகை மலர் தொடுத்து – நீ
மங்கையரோடு சென்றாலும்
மனம்தனிலே அறிந்திடுவேன்…
‘நலம் ‘ கேட்கும் உன் நடையை!

கண் அசைவிலே உயிர் வாழும்
என்ஆசைதனைக் கேட்பாயா!
உடல் மட்டும் காதலல்ல
உயிரிலும் உள்ளததை -நீ
உணராமல் போவாயா!

ஒரு முறை பறிக்கச்சொல்லி – நீ
வரும் வழியில் தவமிருக்கும் – என்
பார்வையதை – உன்
பார்வையால் பறிப்பாயா ?

பாதங்களின் படுதலுக்காய் – உன்
பாதைகளில் காத்திருக்கும் ‘ஏதோவொன்று ‘
‘என் இதயம் ‘ என்பதை – நீ
இன்றாவது அறிவாயா ?

என்,
உயிர் உதிர்ந்து போகுமுன்னே
ஒற்றைச் சொல்லை
ஒருமுறை உதிர்ப்பாயா…

‘உனக்கும் கூட என்னைப் பிடிக்கும் என்று ‘

***********
a_manavazhahan@hotmail.com

Series Navigation

மணவழகன் ஆறுமுகம்