முடிவுகளல்ல ஆரம்பங்கள்

திலகபாமா சிவகாசி

முன்னேற்பாடுகள் ஏதுமின்றி

மணலில் போட்டு வைத்த கட்டங்கள்

தூக்கி எறிந்த செல்லாக்குகள்

தீர்மானித்திருந்த கட்டங்களில்

விழுந்திருந்தும்

எல்லையைத் தொட

அடித்த நொண்டிகளில்

எகிறிப் போய் விழ

மூடிய இமைகளோடு தேடிய

செல்லாக்குகள் கிடைத்த பின்பு

வென்று விட்ட படிகள்

தடங்களாய் குறித்து விட்டு

திரும்பவும் எறியப் படும்

எல்லைகளாகும் செல்லாக்குகள்

முடிவுகளல்ல ஆரம்பங்கள்

எல்லைகள் எனமுன்னிறுத்தும்

mahend-2k@eth.net