திண்ணை

கரவிபயணி

இன்றுவரை

ஏன் தொடரவில்லை

நினைத்துப் பார்க்க

நெஞ்சு விம்முகின்றது

வால்த்தும்பி பிடித்து

நூல்கட்டி பட்டம்

பறக்கவிட்ட நாட்கள்

வீட்டிற்குவரும்

வீதி நாய்களை கல்லெறிந்து

காலுடைத்த நாட்கள்

யாருமறியாது

அடுத்தவீட்டு கிணற்றினுள்

மீன்பிடித்து மகிழ்ந்த நாட்கள்

உச்சில் வயலில்

பட்டம் ஏற்றி வயலெல்லாம்

நாசமாக்கிய நாட்கள்

வீட்டு மணற்கும்பியில்

வீடுகட்டி மகிழ்ந்த நாட்கள்

கடைவீதி சென்றால்

காணும் யாவற்றையும்

வேண்டி தரும்படி

அடம்பிடித்து அழுத நாட்கள்

ஆலயம் சென்றால்

மோதகம் வடைக்கு

சண்டை பிடித்த மகிழ்ந்த நாட்கள்

பாடசாலை இடைவேளையுடன்

மதிலேறி கள்ளமாக

வீடுவந்து சேர்ந்த நாட்கள்

கள்ளுமுட்டிகளை

கல்லெறிந்து உடைத்த நாட்கள்

நண்பர்களுடன்

கள்ள மாங்காய்

பறித்துண்ட நாட்கள்

கள்ளச்சினிமா பார்க்கப்போய்

அம்மாவிடம் அடிவேண்டிய நாட்கள்

வகுப்பு மாணவியின்

உணவு திருடி

தின்ற நாட்கள்

மாாிகாலங்களில்

வயல்கிணற்றில்

குளித்த நாட்கள்

இன்னும் எத்தனை எத்தனையோ

எண்ணற்ற நினைவுகள்

உள்ளமெங்கும் உள்ளது

அவற்றை இன்று

உணரத்தான் முடிகின்றது

மழை வெள்ளத்தினுள்
காகிதக் கப்பல் செய்து
விட்டு மகிழ்ந்த நாட்கள்

ாியூட்டாியில் ஆங்கிலப்பாடத்திற்கு
மதிலேறிப் பாய்ந்து
கொத்து ரொட்டி சாப்பிட்ட நாட்கள

ஆண்பெண் பேதமின்றி
பாடசாலையில் கிளித்தட்டும்
கள்ளன் பொலிஸ் விளையாடடும்
விளையாடிய நாட்கள்

இரவுநேரத் திருவிழாக்களில்
கச்சான் விற்பவாிடம்
கிழிந்த காசுகொடுத்து
ஏமாற்றிய நாட்கள்

ஆங்கில வாத்தியார்
தொல்லை தாங்காது
அவர்வீட்டிற்கு கல்லெறிந்து
ஊரவாிடம் திட்டு வேண்டிய நாட்கள்

பொங்கல் நாளில்
ஈர்க்கு வானம் விட்டு
வீதியில் போனவனடம்
ஏச்சு வேண்டிய நாட்கள்

மரவள்ளிக்கிழங்கு
கள்ளமாய் பிடுங்கி
சுட்டுத்தின்ற நாட்கள்

வீட்டின் மீதேறி பட்டம்விட்டு
கீழே வீழ்ந்து காலொடிந்து
நொண்டித்திாிந்த நாட்கள்

நீந்திப்பழக
கடற்கரைபோய்
வயிறுமுட்ட கடல்நீர் குடித்து
அழுதழுது வீடு வந்து சேர்ந்த நாட்கள்

இதைவிட

அம்மா கையால்
ஆசையாசையாய் உடையுடுத்தி
உணவூட்டி தலைசீவி
பாடசாலைக்கு அனுப்பிவைத்த நாட்கள்

தினமும் ஏதோவொன்றிற்காய்
சண்டைபோட்டு அழுதழுது
கழித்த அந்த நாட்கள்

இன்று கிடைக்கவில்லை
ஏங்கிக்கொள்கின்றேன்

siam7373@batelco.com.bh