கனவு

This entry is part of 31 in the series 20020623_Issue

சுப்ரமணியன் ரமேஷ்


பிரதிபளிப்பற்ற
ஸ்படிக விழிகளில்
மெளனித்து மூழ்குகிறேன்
ஆடைகளைத் துறந்து…
விண்மீன் வெளியிடை
தவித்து அலைந்த
பீனிக்ஸ் பறவை
விடுபட்டுக் கரையும்
உயிர்ப்பின் புன்னகை
விழிப்பு கொள்ள.

* * *

விலகிய திரை
செவிகள் உள் முயங்கி
அறிதுயில் கொள்ள
பார்வையின் துல்லியம் இதுவரை
விழிகள் அறியாதது
ஒரு மலர் எல்லையற்ற
கருணையுடன் பார்த்துக் கொண்டிருக்க
இரைச்சலின் உலகிற்கு மீண்டு
எழுந்து போனான்
காலடியில் மலர் மிதிபட்டதை அறியாமலே
இப்போதைக்கு இன்னமும் ஒரு முறை
கதவுகள் மூடிக் கொள்ள.

***
subramesh@hotmail.commi

Series Navigation

சுப்ரமணியன் ரமேஷ்