திண்ணை

புஷ்பா கிறிஸ்ரி

என் மகனுக்கு வந்தது கடன்

என் பிறப்புக்கு வந்தது கடன்

பணி செய்து கிடப்ப தென்கடன்

மகன் கடன் தீர்ப்ப தென்கடன்

உழைத்தேன் உழைத்தேன் நானும் அவனுக்காக

நடந்தேன் நடந்தேன் தினமும் கால்நடையாக

தேடினேன் தேடினேன் எங்கும் வேலையையே

நாடினேன் நாடினேன் கடன் வங்கியையே

கடன் தொல்லைகள் கூடியே வந்தன

கடனுடன் மனதில் கவலையும் வந்தது

கடன் கட்ட தினம் தடுமாறி

கடன் தந்த கவலையும் நோயுமாகி

கடன் கட்டி நான்முடிக்க வென்மகனோ

கடன் மேலும் கடன்பட்டு குடுடனாகிி

கடன்கார மனிதனாக வென்னைத் தள்ளி

கடனில் போட்டுவிட்டு கடனுடன் மரணமானான்

கடனோடு நான் கிடந்து தவித்தாலும்

கடனே எனக் கென்றும் நோயானாலும்

கடனே எனக் கென்றும் பாயானாலும்

கடன் முடிய என்உயிருடன் நான்முடிவேன்

புஷ்பா கிறிஸ்ரி
pushpa_christy@yahoo.com