தேனு

வட்ட வரையியாம் வாழ்க்கை..

அது இழைத்திடும் ஒப்பனைகள்

துவக்கத்துடன் இறுதியுரும்

இடமென்றும் ஒன்றுதான்..

அசல்களின் துணைக்கால்களென

மாதிரியின் பயன்பாடு

யூகிக்கப்படும் நுனிவரையில் எனும் கணிப்பு

அவளுக்கு மட்டும் புதிதா என்ன?

.

மறதிகளின் கிழட்டுக்கூட்டம்
பொய் வண்ணமிழைத்து

ஆட்டுவிக்கும் பொம்மையென

வழிகின்றன துளிகள் சில..

.

விழிநீர் விலக்கிட

தன்னிலை மறைத்து

மூன்றாம் கரமொன்று

நீண்டிட..

கலையப்படத் துவங்கியிருந்தன

அவள் மறைபட்டிருந்த

நிலையற்ற ஒப்பனைகள்..

– தேனு