திண்ணை

சத்தி சக்திதாசன்

விளக்கைச் சுற்றிப் பறக்கும்
விட்டில் பூச்சிகள் காணீர்
விடியும் முன்னே மறையுமவை வாழ்க்கை
கண்ணைப் பறிக்கும் வண்ண அழகாம்
கவர்ச்சி கொண்ட பட்டுப் பூச்சி பாரீர்
வாழ்வோ ஓர் எட்டு நாட்கள் தான்
ஒவ்வோர் உயிருக்கும் இறைவன் உலகில்
ஓதி வைத்தது அளவான வாழ்க்கையாம்
சிறியதோர் வாழ்க்கையிலும் அவைகள்
சிறப்பாய் அடையும் வாழ்வின் இலக்குகளை
அறிவின் சிகரமாம் , பண்பின் குன்றாம்
ஆயிரம் பெருமை பேசிக்கொள்ளும் மனிதர் கேளீர்
எவற்றை இலக்காய் கொண்டோம் அன்றி
எவர்க்கு பயனாய் வாழ்ந்தோம்
சாம்பலாய் மாறும்வரை இவ்வுலகில் ஓர்
சரியான மனிதனாய் வாழ்வோம் வாரீர்

***
sathnel.sakthithasan@bt.com