திண்ணை

அபி சுப்ரமணியம்

மன்னித்து மறக்க ஒரு மனம் வேண்டும்
மறந்து அணைக்க இரு கரம் வேண்டும்

செய்த பாவம் ஏற்கும் மன உரம் வேண்டும்
இனி செய்யாதிருக்க நின் அருள் வேண்டும்

கருணை கொண்டு நோக்கும் பார்வை வேண்டும்
வறுமை கண்டு துடிக்கும் மென்மை வேண்டும்

நன்றி என்றும் நினைக்கும் நெஞ்சம் வேண்டும்
வாய்மை ஒன்றே பேசும் அதரம் வேண்டும்

வெற்றி கண்டும் நிமிராத சிரம் வேண்டும்
தோல்வி கண்டும் தளராத தோள் வேண்டும்

அடுத்து கெடுப்போர் சேர்க்கை விலக வேண்டும்
கொடுத்து உயர்வோர் நட்பு நிலைக்க வேண்டும்

தொடுத்து கொடுத்த என் ஆசை நிறை பெற வேண்டும்
எடுத்த ஜென்மம் என்றும் பயன் பெற வேண்டும்

இன்று விழுந்து நின் தாள் பணிந்து கேட்கின்றேன்
என்றும் எழுந்து நிற்க நீ துணை இருப்பாய்

abisubra@yahoo.com