தீபச்செல்வன்
நீயும் நானும் குளத்தில்
இறங்கினோம்.
கொக்குகள் குளத்தை
குடித்து நிரம்பின
மீன்கொத்திகள்
மீன்களாக மாறி
கால்களை கொத்துகின்றன.
குளக்கட்டில்
பாட்டில் போடப்பட்டிருக்கும்
சின்னச் சைக்கிளில் இருந்த
புத்தகங்களை
காற்று படிக்கிறது.
குளத்தின் கீழ்கரை வாய்க்காலில்
தண்ணீர் குடிக்கும்
ஆடு மாடுகள்
தலைகளை திருப்பி
தண்ணீர் பாடல்களை கேட்கின்றன.
நமது கால்களுக்கள் மீன்கள்
ஓடித்திரிந்தன.
சனங்களை அள்ளி
நிரப்பி வழியும்
பேருந்தின் நடத்துனர்
வாய்க்கால் தண்ணீரை
அள்ளி எஞ்சினில்
விட்டு சூடு குறைக்கிறான்.
பேரூந்து நம்மை விலத்திப் போகிறது
புழுதி படிந்த தென்னை மரங்களில்
பழுத்து விழுந்த
ஓலைகளை
கறுப்பய்யா வாய்காலில் போட்டு
பின்னி அடுக்கிறார்.
கிடுகுகளின் குளிர்ந்த
நிழல் வீட்டில்
நாம் அருந்துவதற்காய்
பசும் பால் முட்டியிலிருக்கிறது.
முற்றி வளைந்திருக்கும்
நெற்கதிர்களை
பார்வையிட்ட செல்வரத்தினம்
சத்தமிடும் சைக்கிளில்
நெல்மணிகள் கொட்ட போகிறார்.
எப்போதாவது வரும்
வாகனங்களை விலத்தி விட்டு
நெல்மணிகளை கோழிகள்
பொறுக்கி எடுக்கின்றன
கூடுகளில் கோழிகள்
பெரிய முட்டைகள் இட்டிருந்தன.
மிளகாய் கன்றுகளுக்கு
பரமேஸ்வரி
தண்ணீர் விடுகிறாள்
மண் வெம்மை அடங்க ஈரமாகிறது.
பள்ளிக் கூடம் போகாத
சிறுவர்கள் நெல் பொறுக்கப்போக
அவர்களின் புத்தக பைகள்
சுவரை கிழித்து
வெளியில் தெரியும்
கிணியாத் தடிகளில்
கொலுவியிருந்தன.
மண்வீடுகளோடும்
ஓலைப் பள்ளிக்கூடத்தோடும்
காடுகளோடும் முடியும்
முறிப்பு வீதியில்
மேல்நிலைக் கல்விபயிலும் மாணவி
மலைநேர நிறத்தோடு
கிராமம் திரும்புகிறாள்.
வைக்கோலின் வாசனையோடு மாடுகளும்
குலைகளின் வாசனையோடு ஆடுகளும்
பட்டியில் நிறைந்தன
சனம் போக குளம் மெளனமாகிறது.
ஏற்றமான வீதியில்
நீயும் நானும் சைக்கிளை மிதிக்கிறோம்..
————————————————————————————
முறிப்பு: கிளிநொச்சி மாவட்டத்தில் உள்ள பின்தங்கிய ஒருகிராமம்
deebachelvan@gmail.com
- கவிதைகள்
- பெண் விடுதலைச் சிந்தனையில் தமிழ் இதழ்கள்
- தொடுவானம் தொட்டுவிடும் தூரம் அத்தியாயம் 4
- எழுத்துக்கலை பற்றி இவர்கள் – 17 வி.ஆர்.எம்.செட்டியார்.
- வார்த்தை – ஏப்ரல் 2008 இதழில்…
- கவிதை ஒட்டகங்களுடன் நகர்ந்து செல்கின்றது – அரபு இலக்கியங்கள் ஓர் அறிமுகம்
- Last kilo Byte – 10
- சுஜாதா : பத்திரிக்கைப் பேராளுமை
- பாரதியாரது தத்துவ மரபு
- அண்மையில் மறைந்த ஆர்தர் சி.கிளார்க் அவர்களின் நினைவாக…..
- திண்ணைப் பேச்சு – அன்புள்ள வஹாபி
- பிரபஞ்சத்தின் மகத்தான ஐம்பது புதிர்கள் ! சுக்கிரன் வரட்சிக் கோளாய் எவ்விதம் மாறியது ?(கட்டுரை: 22)
- தோஹா ஆசிய திரைப்படவிழா – கிரீஷ் காசரவல்லி அவர்களின் “நாயின் நிழலிலே”
- காற்றினிலே வரும் கீதங்கள் – 12 உறங்காமல் விழித்துள்ளவள் !
- தாகூரின் கீதங்கள் – 23 உலகைப் பிரியும் நாளில் !
- ஊழிக் கூத்து
- சம்பந்தமில்லை என்றாலும்- சைவாலயங்களில் சமசுகிருத மந்திரங்களே வேண்டும் (ஆ. சக்கரமூர்த்திப்பிள்ளை)
- பக்தி நிலை வரும்போது__-
- தில்லைச் சிற்றம்பல மேடையில் ஏறியது தமிழ்! …மார்ச் 2 அன்று!
- அழியும் தருவாயில் உண்மையானப் பெண்ணிலக்கியங்கள்
- எழுதுகோல் தெய்வமா?
- எனிஇந்தியனின் வார்த்தை இதழ், நான்கு புதிய புத்தகங்கள் வெளியீடு
- மக்கள் சக்தி இயக்கம் – மத்திய மாநில பட்ஜெட் பொது விவாதம்
- காபிர்பத்வா,ஊர்விலக்கம் முஸ்லிம் உரையாடல் – நூல் வெளிவந்துள்ளது
- உன்னத மனிதன் (வேதாந்த இன்பியல் நாடகம்) அங்கம் 2 பாகம் 4
- கூவத்தமிழன் கூவுகிறேன்!
- கவிதைகள்
- முறிப்புக் கிராமம்
- கைவளைக்கும் இல்லை கனிவு!
- அநிச்சயக் கோடுகளில் உதிரும் புன்னகைகள்
- கனவு மெய்ப்பட வேண்டும்!
- அடகுக் கடை
- அன்புள்ள அப்பாவுக்கு !
- ரோபோக்களின் ஆசீர்வாதம்
- என்னைக் கொஞ்சம் தூங்கவைத்தால்
- நிலவுக்கும்…….
