திண்ணை

பத்மநாதன் முத்துசாமி

மழையென நனைத்தாய்
வானில் திரையோ
பெய்யாமல் பொய்த்தாய்

நதியென நடந்தாய்
வழியில் அணையோ
என் வழி மறந்தாய்…

அஃதோடு முடிந்ததா உன் பயணம்.. ?!
இல்லையில்லை…!
இன்றும் எங்கோ விழுந்து
எங்கெங்கோ நடந்து
வேர்வழி நுழைந்து
என்னுள் கலக்கின்றாய்…!

ஆம்..
கால அரக்கன்
தடைபோட்டு தடுத்தபின்னும்
எப்படியோ…
என் வேர்களின் வாசலில்..உன் வாசம்…!!

இப்போது புரிந்துகொண்டேன்
கட்டுப்பாட்டுத்தடைகள் எல்லாம்
எனைனோக்கிய உன்
பயண மார்கத்திற்கு மட்டுமேயன்றி
பயணத்திற்கல்ல என்பதை…எனவே
தொடரட்டும்…
எனைனோக்கிய உனது பயணம்…!!!

padmanathanm@rediffmail.com