திண்ணை

எஸ் ரமேஷ்

யாரோ போல் கடந்து போனேன்
நீ வசிக்கும் வீட்டை
நகரத்தின் சாலைகளில்
அவ்வப்போது எதிர்படும் துரதிருஷ்டம் நமக்கு…
வழிந்தோடும் நொிசலில் எதுவுமே மாறவில்லை எனும்
பாவனையுடன் பேசி விடை பெறுவோம் விரைவாக-
தாளாது முகமூடியின் புழுக்கம்!

என் பிாிய நண்பனே
நிகழ்காலத்தின்
இறந்த காலத்தில் உயிர்த்திருக்கிறது நம் நட்பு..
எதிர்காலத்தின் இறந்த காலத்தில் அல்ல
அழித்து எழுதும் கடலுக்கு
ஒப்புக் கொடுத்துவிட்டுப் போயேன் என் முகத்தையும்

நினைவுப் பேரேடுகளை
நிகழ்காலம் அழிக்காமல்
பார்த்துக் கொள்ள வேண்டும் எனக்கு

***
subramesh@hotmail.com