திண்ணை

சிக்கந்தர் பாஷா

என் பெயர் உச்சரித்து
சிலிர்க்கவைத்த உன் உதடுகளால்
வார்த்தைகளை எறியாதே
எனக்குள் நான் வரைந்த
உன் பிம்பம்
உன் சொற்களால்
கலைகிறது!

பூனைகுட்டியாய் உன்னருகில்
ஒட்டியிருக்கும் என் அன்பை
எட்டி மிதிக்காதே
வெட்டிவிடும் வித்தையறியாதது
வேதனை சுமந்தும் உன் காலடி
வீழ்ந்திருக்கும்!

பிரியமொன்றையே சுரக்கும்
என் கேணியில்
சகதி இரைக்காதே
உன்னை நனைத்து
உன் காலடியில் உலரும்
உயிரின் வலி அது!

sikkandar.basha@wipro.com