திண்ணை

திலகபாமா

எமை தின்ன நினைக்கும் சமூகம்
தினம் தினம் தின்றும்
தீராது பசியென
வயிறுதடவும்
எப்போதும் என் பாதைகளைத்
திருத்துவதாய் சொல்லியே
என் தீர்மானங்களைத் திருடி
தன் தீர்மானங்களைத் திணித்திருக்கும்
என் பாதையில் நெருஞ்சிகளாய்
பூத்திருக்கும்
என் பயணமோஒளியாய்
பால்வெளிகள்தாண்டி
எந்த மலையும் மடுவும்
தீர்மானிக்க இயலாததாய்
உதவி புரிவதாய்
ஊமைக் கள்ள கண்ணன்கள்
ஓரடிப் பழம் உயர
ஒளிக்காது என் மனம் பேசச் சொல்லும்
அடுத்து என்ன வரும்
அறியாது எனை கடையும்
தேவர்களும் அசுரர்களும்
நானே அமுதம் என்றறியாது

***
mahend-2k@eth.net