திண்ணை

வாழிய உலகநல நற்பணி மன்றம்

தமிழ் மொழியை கூர்மைபடுத்தி அதன் ஆற்றல்களை வெளிக்கொணர்வது படைப்பிலக்கியத்தை உற்சாகப்படுத்தி ஊக்குவிப்பது மேலும் பாதுகாப்பது என்ற வகையில் பழனி வாழிய உலகநற்பணி மன்றம் வருடந்தோறும் எழுத்தாளர்களுக்கு விருதுகள் வழங்கி கெளரவித்து வருகிறது .

அத்தன்மையாக கடந்த 2004 ஆம் ஆண்டிற்கான விருதுகள் அறிவிக்கப்பட்டுள்ளன . சுமார் 178 நூல்கள் வரப்பெற்றதில் மொத்த பிரதிகளையும் பரிசீலனை செய்த நடுவர் குழு கவிஞர் பிரம்மராஜனின் “தேர்ந்தேடுக்கப்பட்ட கவிதைகள்” என்ற நூலை ஒருமனதாக தெரிவு செய்து 2005 ம் வருடத்திற்கான தமிழ் பரிதி விருது தமிழின் சிறந்த ஆய்வாளர்களில் ஒருவரான ப .சரவணன் அவர்களுக்கு வழங்குவதென ஒருமித்து முடிவு செய்திருக்கிறது .

தமிழ் நவீன கவிதையில் குறிப்பிடத்தகுந்த வரும் உலக கவிதையியல் ஆய்வாளரும் , இசையும் மொழியுமாக தமிழ்க் கவிதைகளை புதிய தளத்திற்கு எடுத்துச் சென்றவர் என்ற முறையிலும் தேர்ந்தெடுக்கப்பட்ட கவிஞர் . பிரம்மராஜனின் இந்நூலானது 2004 ல் பதிப்பிக்கப்பட்டிருப்பதாலும் விருதிற்கு அனுப்பப்பட்ட பட்டியல்களில் இடம்பெற்ற வகையிலும் நடுவர் குழுவின் தீவிர பரிசீலனைக்கு உட்பட்டு இம்முடிவு அறிவிக்கப்படுகிறது .

அருட்பா X மருட்பா எழுதியவரும் கானல்வரி மற்றும் திமிழ் மூதாட்டி அவ்வையார் பற்றிய ஆய்வுகளைச் செய்தவரும் மயிலை சீனி வேங்கடசாமி அவர்களின் எழுத்து முழுவதையும் தொகுத்தளித்தவருமான ப . சரவணன் தமிழில் மிகவும் குறிப்பிடத்தகுந்த ஆராய்ச்சியாளர் என்பது தமிழ்ப்பரிதி விருதிற்கு பொருத்தமாகிறது .

அதன்படி வரும் ஜீன் மாதம் 5 ஆம் தேதி பழனி அடிவாரம் அருள்ஜோதி வீதியிலுள்ள அங்காளபரமேஸ்வரி கல்யாண மண்டபத்தில் மாலை 5 .00 மணியளவில் நடைபெற இருக்கும் நிகழ்ச்சி நிரலில் சட்டப்பேரவைத் தலைவர் மாண்புமிகு முனைவர் க . காளிமுத்து அவர்களால் மேற்கண்ட விருதுகள் வழங்கப்பட இருக்கிறது என்பதையும் இவ்விழாவில் தமிழகத்தின் மூத்த எழுத்தாளர்களும் , கவிஞர்களும் திரளாக கலந்து கொண்டு சிறப்பிக்க இருக்கிறார்கள் எனவும் , வாழிய உலகநல நற்பணி மன்றத் தலைவர் இல . ஞானசேகரன் மகிழ்ச்சியுடன் அறிவித்துக்கொள்கிறார் . இதற்கான நிகழ்ச்சி நிரல் அடங்கிய அழைப்பிதழ் பின்னர் அனுப்பப்படும் .

வாழிய உலகநல நற்பணி மன்றம்

7, மங்களம் தெரு,

பழனி — 624601 .

poopathy_acct@yahoo.co.in