ஏவலர்கள் எஜமானர்களாய்

வே பிச்சுமணி

நாம் வடிதத கடவுள் சிலைதான்
இருந்தபோதிலும்
எட்டி நின்றுதான் தொழ வேண்டியுள்ளது
நாம் விதைத்து அறுத்த நெல்தான்
இருந்தபோதிலும்
நமது பிள்ளைகளின் பசியை போக்குவதில்லை
நமது வரிபணத்தில் வாழும் அலுவலர்கள்
இருந்த போதிலும்
பணிந்து முன் நிற்க வேண்டியுள்ளது.
நாம் வாக்களித்து வாகைசூடிய தலைவர்கள்
இருந்தபோதிலும்
நெருங்க முடியாத தூரத்தில் இருக்கிறார்கள்
நாம் இயற்கையில் மனிதாக பிறந்துவிட்டோம்
இருந்த போதிலும்
நமக்கு முதுகெலும்பு இருப்பதை மறந்துவிட்டோம்