கவிஞானி ரூமியின் கவிதைகள் கி. பி. 1207-1273) கவிதை -3 பாகம் -1 திக்குத் தெரியாத மனக் குழப்பம் !

ஆங்கில மூலம் : கோல்மன் பார்க்ஸ் தமிழாக்கம் : சி. ஜெயபாரதன், கனடா

ஐந்து உரைகளை நான் மொழிவேன்

++++++++++

விழித் தெழுந்த காதலன்
நேரே
விளம்புகிறான்
தன்னருமைக் காதலியிடம் :
“நீதான் எனது
ஆன்மா சுற்றி வரும்
வானுலம் !
காதல் உட்கருவின்
நேசம் !
அதுவே எனக்கு
மீள் பிறப்பிடம் !

+++++++++++++

இந்தச் சாளரம்
உந்தன் செவியாய் இருக்கட்டும் !
செவிமடுக்கும்
உன் மௌனத்தை விரும்பி
புத்துயிர் அளிக்கும் உன்
புன்னகை நோக்கி
பல தடவை
என் மன உணர்வை
இழந்தேன் !
விளக்க நுட்பங்களில்
செலுத்து உன் கவனத்தை !
பெரிதான என்
இரகசிய
ஐயப்பாடுகள் அவை !

+++++++++++++++

எனது நாணயங்கள் எல்லாம்
போலி யானவை
என்பதை நீ அறிவாய் !
ஆயினும் நீ
அவற்றை வாங்கிக் கொண்டாய்
ஆசையாய்,
என் அவமதிப்பைக் கண்டும்
என் பசாங்கைப்
பார்த்தும் !

+++++++++++++++

ஐந்து உரைகளை நான்
மொழிவேன் !
ஐந்து விரல்களால் எண்ணி
நீட்டுவேன்
உன்னருட் கொடைக்கு !

+++++++++++++

முதலாக நான் மொழிவது :
உன்னை விட்டுப்
பிரியும் போது இவ்வுலகே
தெரியாமல் போகும் !
வேறெந்த உலகும்
தோன்றாது !
இரண்டாவது :
நான் தேடிப் போவ தெல்லாம்
நீதான் எப்போதும் !
மூன்றாவது :
நான் ஏன் மூன்றாவது
இலக்கத்தை
எண்ணிடக் கற்றேன் ?
நாலாவது :
என் தானிய விளைநிலம்
எரிந்து கொண்டுள்ளது !
ஐந்தாவது :
இந்த விரல்
புனித மங்கை
ரபியாவின்* சார்பாக
நிற்கிறது !
வேறு
யாருக்கோ சொந்தம் !
இதில் ஏதும்
மாறுபாடு உண்டா ?

++++++++++

வார்த்தைகளா
அல்லது விழிகளின்
நீர்த் துளிகளா
அவை யெல்லாம் ?
நீ அழுதது போதாதா ?
என்னருமைக் காதலி !
சொல்
என்ன செய்ய வேண்டும்
நான் இனிமேல் ?

***************************
*Rābia al-Adawiyya al-Qaysiyya was a female saint.

***************************

தகவல் :

1. Holy Fire – Nine Visionary Poets & the Quest of Enlightment Edited By : Daniel Halpern (1994)
Jelaluddin Rumi’s Poem Translated By : Robert Bly.

2. The Essential Rumi – Tranlation By : Coleman Marks with John Moyne, A.J. Arberry & Rennold Nicholson (1996)

3. Life of Rumi in Wikipedia

********************
S. Jayabarathan [jayabarat@tnt21.com (January 26, 2010)]