கலில் கிப்ரான் கவிதைகள் (1883-1931) << புன்னகையும், கண்ணீரும் >> கவிதை -20

மூலம் : ஓவியக்கவி கலில் கிப்ரான் தமிழாக்கம் : சி. ஜெயபாரதன், கனடா

Self Portrait of
Kahlil Gibran

“கடவுள் தன்னிடமிருந்து ஓர் ஆன்மாவை வெளியாக்கி அதை ஓர் எழில் மாதாக உருவாக்கினார். அந்த அழகியின் மீது நளினத்தையும் பரிவையும் பொழிந்தார். அவள் கைகளில் ஆனந்தக் கிண்ணதைக் கொடுத்துக் கூறினார், “நீ கடந்த காலத்தையும், எதிர்காலத்தையும் மறந்தால் ஒழிய இந்தக் கிண்ணத்திலிருந்து அருந்தாதே.” கடவுள் அடுத்தோர் துயர்க் கிண்ணத்தைக் கொடுத்து, “இந்தக் கிண்ணத்தைக் குடி ! அப்போதுதான் உன் பூரித்த வாழ்வுப் பொழுதுகள் ஓடிப்போன காரணத்தை நீ அறிந்திடுவாய், ஏனெனில் சோகம்தான் நீண்ட காலம் சுற்றிக் கொள்கிறது.” என்று மொழிந்தார்.

கலில் கிப்ரான் (படைப்பு)

+++++++++

<< புன்னகையும், கண்ணீரும் >>

கவிதை -20

பல்வேறு அதிசயக்
கொடைகளுக்கு ஈடாக
என்னிதயப் புன்னகையை
மாற்றிக் கொள்ள
வேட்கை இல்லை எனக்கு !
என் வேதனைச் சுயநினைவு
விளித்து அமைதிக்காக
எனது கண்ணீர்த் துளிகளை
மாற்றிக் கொள்ளவும்
ஏற்பில்லை எனக்கு !
எனது ஆர்வ நம்பிக்கை இது :
இப்புவியில்
என் வாழ்வு பூராவும்
புன்னகையும்
கண்ணீர்த் துளிகளும்
என்றென்றும்
பின்னியே இருக்கும் !

+++++++++++++++++

கண்ணீர்த் துளிகள்
என்னிதயத்தைப் புனிதப் படுத்தும்.
வாழ்வின் புதிரை
இரகசியத்தை
வெளிப் படுத்தும் !
புன்னகை என் சகாக்கள்
நெருங்கிவர
என்னைக் கவர்ந்து செல்லும் !
உடைந்து போன உள்ளங்களை
இணைத்தி விடும்
எனது கண்ணீர்த் துளிகள் !
என் உயிர் வாழ்வுக்கு
இனிப்புச்
சின்னமாகும் எனது
புன்னகை !

+++++++++++++

அன்பு மயத்தின் மீதெனக்கு
தீராப் பசி !
அழகுத்துவம் மேல் எனக்கு
ஆறாப் பசி !
இப்போது தெரிகிறது
எனக்கு
கொள்ளைச் சொத்து ஒன்றைக்
கொண்டவர்க்கு
இன்னலைத் தவிர வேறு
எதுமில்லை !
என் ஆன்மா வுக்குக்
காதலர் விடும் பெருமூச்சுகள்
அமைதி அளிக்கும்
கம்பிகள் முறுக்கிய
யாழிசைக்
கருவியை விட !

************
தகவல் :

1. The Prophet By : Kahlil Gibran, Published By : Senate (2003)

2. The Prophet By : Kahlil Gibran Published, By Wordsworth Editions Ltd. (1996)

3. Tears & Lauhgter By : Kahlil Gibran, Published, By : Castle Books (1993)

4. The Voice of The Master By : Kahlil Gibran Translated from Arabic By : Anthony Ferris (1967)

5. Thoughts & Meditations By : Kahlil Gibran Translated from Arabic By : Anthony Ferris (1968)

For further information:
The Prophet By Kahlil Gibran :

http://www.katsandogz.com/gibran.html
http://en.wikipedia.org/wiki/Khalil_Gibran

http://www.inner-growth.info/khalil_gibran_prophet/main.htm

Kahlil Gibran Art Gallery :
http://www.inner-growth.info/khalil_gibran_prophet/html/galleries/gibran_gallery1.htm

*********************
S. Jayabarathan [jayabarat@tnt21.com (November 24, 2009)]