திண்ணை

யூசுப் ராவுத்தர் ரஜித்

அந்த எழுபது வயது
வாத நோயாளி
சக்கர நாற்காலியில்

புகைப்படம் ஒன்று
உள்ளங்கையில்
ரசிக்கிறார் விழிகளால்

இருபது வயதில் அவர்
ஒலிம்பிக் வென்ற
அந்த புகைப்படமும்
அவரைப் பார்த்து
ரசித்தது

றஞ்சினி

மரங்களுடன் காற்று
சங்கீதம் இசைக்க
கருமுகிலும் வானமும்
கலந்து கரைய
வெள்ளித்துகள்களாய்
வந்து விழுகிறது
என்னுடன் மழைக்கு
என்ன ஒரு மோகமோ
ஜன்னலில் தட்டி
எழுப்புகிறது கவிதையுடன்
வண்ணங்களைகாட்டி
மயக்கியமாலையை
இப்போதைக்கு மறந்துவிடுகிறேன்
அவசர வாழ்வில் அலைகிற
எனக்குள்ளும் ரசிப்பதற்காக
சிலநிமிடங்களேனும் ..
மனிதம் என்னுள் மறைந்திட
இல்லை என்பதில் மகிழ்ச்சிதான்.

shanranjini@yahoo.com