உலகத்தில் எத்தனை வண்ணங்கள்? (தமிழிசைப் பாடல்)

This entry is part [part not set] of 43 in the series 20061019_Issue

கரு.திருவரசு


எடுப்பு

உலகத்தில் எத்தனை வண்ணங்கள் – எனக்கு

உதவுங்கள் நீங்களும் எண்ணுங்கள்

தொடுப்பு

மலர்களில் எத்தனை வண்ணங்கள் – மனித

மனத்துக்குள் எத்தனை வண்ணங்கள் – எண்ணுங்கள்

கண்ணிகள்

வானத்தின் நீல வண்ணத்திலே – வரும்

வானவில் ஏழு வண்ணங்கள்

கானத்தின் இராகக் கிண்ணத்திலே – சுவரம்

கலந்திடும் ஏழு வண்ணங்கள்

பார்க்கின்ற போதே மாறுகின்ற – சிறு

பச்சோந்தி காட்டும் வண்ணங்கள்

சேர்க்கின்ற கலவைக் கிண்ணத்திலே – நிறச்

சிதறல்கள் அனைத்தும் வண்ணங்கள்

Series Navigation

கரு.திருவரசு

கரு.திருவரசு