சென்னை புத்தக கண்காட்சியில்….

வா.மணிகண்டன்

சென்னை புத்தக கண்காட்சி,வழக்கம் போலவெ களை கட்டிவிட்டது.

புத்தகங்களின் தீவிரப்பிரியர்களும்,கூட்டத்தினை ரசிப்பவர்களும் எள் விழும் இடத்தினையும் தனதாக்கி,வெய்யில் போல மெதுவாக நகர்ந்து கொண்டிருக்கின்றனர்.

மக்களின் ஆர்வம் மனதில் ஒரு இனிய தளத்தினை உண்டாக்குகிறது.

பெரும்பாலானோர்,ஒரு சில குறிப்பிட்ட எழுத்தாளர்களின் புத்தகங்களை வாங்கி விட வேண்டும் என வருகின்றனர்.

அதுவும் பொது ஜன ஊடகங்களில் முன் நிறுத்தப்படும் ஒரு சில எழுத்தாளர்களை மட்டுமே.

நான் இங்கு நல்ல எழுத்தாளர் என குறிபிடவில்லை என்பதனை நினைவில் கொள்க.

சிறு பத்திரிக்கைகளில் தொடர்ந்து எழுதி வரும் சில நல்ல படைப்பாளிகளின் புததகங்கள் மார்கழி குளிருக்கு இதமாக குப்பையினை போர்த்தி உறங்கி கிடக்கின்றன.

வாரசஞ்ஞிகைகளின் மூலம் அறிய படுவோர் மட்டுமே நல்ல படைப்பாளிகள் என்ற ஆரோக்கியமற்ற எண்ணத்தினால் இது நிகழ்கின்றது.

இத்தகைய ஒரு ஊக்குவிப்பு,சில நல்ல படைப்பாளிகளையும் விளம்பரம் தேட வேண்டிய கட்டாயச்சூழலுக்கு அழைத்துச்செல்லக்கூடும்.

இது தமிழ் இலக்கிய உலகிற்கே ஒரு இழப்பாக அமையும்.அது வாசகனுக்கும் சேர்த்துத்தான்.

இதில் புத்தகம் வாங்கும் வாசகனை மட்டும் குறை சொல்லி பயனில்லை.

அவனுக்கு எல்லா படைப்புகளையும் படிக்க வேண்டிய கட்டாயம் இல்லை.

நாளையோ அல்லது நாளை மறுநாளோ,வாசகனின் நண்பன் ‘புகழ் பெற்ற ‘எழுத்தாளர்களை பற்றி பேசும்போது இவனும் ஏதாவது பேசவேண்டும்.

இது சராசரி மனிதனின் மனோநிலைதான்.

இத்தகைய ஆரோக்கியமான சூழலில்(வாசிப்பாளர்கள் பெருகி வருதல்)வாசிப்பாளர்களை நல்ல புத்தக்களை தேடிச்செல்லும் வாசகர்களாகவும்,நல்ல,அறிமுகப்படுத்தப்படாத படை986 ? ?பாளிகளை அறிமுகப்படுத்தும் கடமையும் வெகுஜன ஊடகங்களை சார்கின்றது.

படைபாளிகளை வேண்டாம்,படைப்புகளை அறிமுகப்படுத்தினால் போதும்.

தமிழ் இலக்கிய உலகில்,வெகுஜன ஊடகங்களின் பங்களிப்பை மறுக்க இயலாது.அது இன்று இணையம் வரையிலும் வந்திருக்கிறது.

அதன் பங்களிப்பில் இது,மிகப்பெரும் கடமை.

அடுத்த கண்காட்சியில் இந்த நிலை மாறக்கூடும்.

வா.மணிகண்டன்.

kvmanikandan1@yahoo.co.in