வண்ணம்

ஆதர்ஷ்

வண்ணங்கள் என்னைக் கொஞ்சம் பயமுறுத்தும்
நான் மறக்க நினைப்பதை நினைவுறுத்தும்

நிறங்கள் தொடர்புள்ள நிகழ்வுகள் நிழலாடும்
தூக்கம் கலைத்துபின் எள்ளி நகையாடும்

பேருந்து தாமதிக்காத ஒருவிநாடி நேரத்தில்
குறுக்கே பாய்ந்த காவிச்சட்டை வாலிபன்

வாழ்ந்து முடிந்தும் வெறியடங்காமல் ஆரஞ்சு
ஜ்வாலையில் தலைவனுக்காய் அவிந்த வயோதிகன்

நேற்று உண்டவர் வீட்டில் அரிவாளால்
இரத்தம் பார்த்த நடுத்தர வயதுக்காரன்

சிவப்பு என்றால் மங்கலமென்று எனக்கு
மட்டும் எதற்காகத் தோன்றவில்லை ?

எல்லா நிறத்திற்கும் நினைவொன்று இருக்கிறது
ஒன்றுகூட இதமான நிகழ்வுக்கு இல்லை

நிறத்திற்கு அர்த்தங்கள் மாற்றித்தரப் பார்த்தேன்
ஒன்றுகூட இயல்பாகப் பொருந்திவிடவில்லை

மனநலத்திற்கு ஆபத்தென்று மருத்துவரிடம் விரைந்தேன்
நிறங்கள் குறியீடென்று அவர் கூறக்கேட்டேன்

உதாரணமாக சிவப்பு, ‘இரத்தத்தை… ‘ என்று அவர்
ஆரம்பிக்க பரிதாபப் புன்னகையில் என்னிதழ் குவித்தேன்!

vrvrao@vsnl.net