தேவமைந்தன்

வெற்று மேசைமேல்
அந்த ஒற்றைத்தாள்
காற்றில் இரவெல்லாம் படபடத்து
தூக்கத்தை
கலைத்துப் போட்டது
காரணம்
அந்த ஒற்றைத்தாள்மீது
ஆகக் கனமாய்
அமர்ந்திருந்தது
பேப்பர் வெய்ட்
என்பார்கள் அதை
சர்வ வியாபகமான காற்று
ஒற்றைத்தாளின்
டென்ஷன் தாங்காமல்
அதைக் கிளப்பிப் போட
எவ்வளவோ முயற்சி செய்தது
ஊஊஊஹூம்
தோற்றது காற்று
புரண்டு புரண்டு
படுப்பதை விட்டு
நானாவது எழுந்து
அந்தப் பேப்பர் வெய்ட்டை
எடுத்து அந்தப் பக்கம்
வைத்திருக்கலாம்
நார்மல் வகையறா நான்
தூக்கம் கெட்டாலும் கெடுவேன்
இன்னும் விடாமல்
படபடத்துக் கொண்டிருக்கும்
அந்த ஒற்றைத்தாள்
யாரைச் சபிக்கும்

****
pasu2tamil@yahoo.com