• Home »
  • »
  • கடிதம் ஜனவரி 13,2005

கடிதம் ஜனவரி 13,2005

Posted by On January 13, 2005 0 Comment
This entry is part of 64 in the series 20050113_Issue

மாயவரத்தான்

வணக்கம்..

ஞானம் கெட்டவர்களின் கோணல் பார்வை என்ற தலைப்பில் நான் எழுதியிருந்த கடிதத்திற்கான பதில் கடிதம் திரு. ஞாநி அவர்களிடமிருந்து வந்ததை படித்தேன்.

தனிப்பட்ட முறையில் அவரை தாக்க வேண்டும் என்ற எண்ணம் எனக்கில்லை! ஆனால் எதற்கெடுத்தாலும் பார்ப்பனியத்தை அவர் தாக்கி எழுதுவது தான் வேதனையைத் தருகிறது.

பொதுவாக வெகுஜனப்பத்திரிகைகளில் எழுதி அதை வாசகர்களிடத்தில் கொண்டு செல்ல இயலாமல் தோற்கிறவர்களும், அப்படியே சென்றாலும் அதையும் சிற்றிதழ்களைப் போல் நடத்தி தோற்கச் செய்கிறவர்களும் என்ற நோக்கில் எழுதப் போய் அது வேறு மாதிரியான அர்த்தத்தை உண்டு செய்து விட்டது. தன்னை நேரடியாக இந்த வரிகள் தாக்கி விட்டதாக ஞாநி நினைப்பதால் அதற்காக நான் வருந்துகிறேன். இது ஏதோ அவர் வழக்கு தொடர்ந்து விடுவார் என்று மிரட்டியதற்கான வருத்தமல்ல. தனிப்பட்ட முறையில் தாக்கியதைப் போன்று வரிகள் அமைந்து விட்டதால் தான் வருத்தம் தெரிவிக்கிறேன்.

அதே சமயத்தில், அதிரடியாக அவதூறுகளை வீசி தப்பிக்க முயற்சிப்பது பார்ப்பனீய உத்திகளில் ஒன்று என்று ஒட்டு மொத்தமாக குற்றம் சாட்டுவது எந்த விதத்தில் நியாயம் என்று ‘எல்லாம் புரிந்த ‘ ஞாநி விளக்கட்டுமே!

– மாயவரத்தான் (info@mayiladuthurai.net)

Series Navigation

20050113_Issue

TOPICS