அகரம்.அமுதாவின் வெண்பாக்கள்!

This entry is part of 41 in the series 20080320_Issue

அகரம்.அமுதாவின்


அகரம்.அமுதாவின் வெண்பாக்கள்!

குட்டைப்பா வாடை கொழுத்த தொடைகாட்ட
வட்டணிந்த மார்பின் வளங்காட்டி -வட்டுடைகீழ்
ஆதார மில்லா அரும்பாகம் காட்டுமவள்
சேதார மில்லாச் சிலை!

குதிகால் அணியால் கொடியிடை ஆடும்
இதழோடு லிப்ஸ்டிக் எழிலாம் -சுதிசேர்
நடையில் நளின நயமிருக்கும் இல்லா
இடைபோல் அணிவாள் உடை!

பாவாடை தாவணிகள் பார்ப்ப(து) அரிதாச்சு
பூவாட்டம் சேலைகளும் போயாச்சு@ -பாவையர்க்கு
சல்வார்க் கமீஸ், சுடி தார்,மிடி, ஜீன்ஸ், மினிஸ்கர்ட்(டு)
எல்லாந்தான் இன்றைய டேஸ்ட்(டு)!


agramamutha@yahoo.com

Series Navigation