• Home »
  • »
  • திண்ணை அட்டவணை

திண்ணை அட்டவணை

This entry is part of 20 in the series 20010805_Issue


1999இல் அமெரிக்காவில் போக்குவரத்து நெரிசலில் மாட்டிக்கொண்ட கார் ஓட்டுபவர்களால் வீணாகும் எரிபொருளின் உத்தேச மதிப்பீடு டாலரில் : $8,60,00,00,000 (சுமார் 860 கோடி டாலர்கள்)

உலகத்தின் பெரிய 10 பெட்ரோல் நிறுவனங்களின் 1999 லாபத்தைவிட அதிகமாக இருக்கும் 2000த்தின் லாபம் : சுமார் $2900 கோடி டாலர்

சாட் என்ற ஆப்பிரிக்க தேசத்துக்கு ஏப்ரல் 2000த்தில் இரண்டு பெட்ரோல் கம்பெனிகள் கொடுத்த தொகை: $2.5 கோடி டாலர்

இந்தப்பணத்தில் சாட் தேசம் ஆயுதங்களுக்காக (IMF ஒப்பந்த விதிகளை மீறி) செலவிட்ட தொகை: $45 லட்சம் டாலர்கள்

மரபணு மாற்றிய உணவை உண்டதே இல்லை என்று நினைக்கும் அமெரிக்கர்களின் சதவீதம்: 70

அமெரிக்க பலசரக்கு கடைகளில் இருக்கும் உணவுப்பொருள் மரபணு மாற்றப்பட்டதாக இருக்க வாய்ப்பு: இரண்டில் ஒன்று

திபெத்திய குழந்தைகளின் வளர்ச்சி குறைந்த உணவால் பாதிக்கப்பட்டிருப்பதற்கான வாய்ப்பு: மூன்று குழந்தைகளில் ஒன்று

எல் சால்வடார் தேசத்தில் இருக்கும் வேலையாட்கள் ஒரு $12.99 டாலர் (600 ரூபாய்) விலையுள்ள கேப் நிறுவன சட்டை ஒன்றை தைப்பதற்குப் பெறும் கூலி : 11.6 செண்டுகள் ( 6 ரூபாய்)

பால் ஓ நெயில் என்னும் அமெரிக்க கஜானா செயலாளர் (நிதி மந்திரி என்று சொல்லலாம்) அல்கோ என்ற அமெரிக்க அலுமினிய நிறுவனத்தின் தலைவராக சென்றவருடம் வேலை செய்ததற்கு பெற்ற வருமானம்: $5.64 கோடி டாலர்

அமெரிக்க தேச வனப்பாதுகாப்பு கூட்டமைப்பின் படி, மிக மோசமாக சுற்றுச்சூழலை பாதிக்கும் நிறுவனமாக பால் ஓ நெயில் தலைவராக இருந்த போது அல்கோ பெற்ற ராங்க்: 1

கடந்த 400 வருடங்களில் கத்தோலிக்க செயிண்ட்டாக பெயரிடப்பட்டவர்களில் இன்றைய போப் ஜான் பால் 11 பெயரிட்டவர்களின் சதவீதம்: 50 சதவீதம்

1983இல் புலான் தேவி சரணடையும்போது அவரிடம் இருந்த பணம்: சுமார் 3 லட்சம் ரூபாய்கள் (அவரிடமிருந்தது 1 லட்சம், அவர் சரணடைந்ததால் அவரது தலைக்கு வைக்கப்பட்ட 2 லட்சம் ரூபாய் விலையை அவரிடம் கொடுத்தது அரசாங்கம்)

2001இல் அவர் பாராளுமன்ற உறுப்பினராக இறக்கும்போது அவரது சொத்தாக மதிப்பிடப்படுவது: சுமார் 10 கோடி ரூபாய்கள்

ஒரு தீவிரவாதிக்கு முழு பயிற்சியும் கொடுக்க பாகிஸ்தானிய உளவு நிறுவனம் செலவிடும் தொகை: சுமார் 2 லட்சம் ரூபாய்கள்

IMF பாகிஸ்தானுக்கு இந்த வருடம் கொடுத்த கடனுதவி : 2200 கோடி ரூபாய்கள்

முன்னாள் பிரதமர் சந்திரசேகர் பிரதமரான நேரத்துக்கும், போன்ட்ஸி கிராமப் பஞ்சாயத்து அவருடைய பாரத யாத்ரா கேந்திரா அமைப்புக்கு 500 ஏக்கர்கள் அன்பளிப்பாக அளித்தத நேரத்துக்கும் இடைப்பட்ட காலம்: 24 மணிநேரங்கள்

நன்றி – ஹார்ப்பர்ஸ் இண்டெக்ஸ், ஃப்ரண்ட்லைன், நியூஸ் பேப்பர் டுடே

Series Navigation